Litesound

«Litesound» — беларускі поп-рок гурт, заснаваны братамі Дзмітрыем і Уладзімірам Каракінымі ў Мінску ў 2004 годзе.^[2][3]

Litesound
«Litesound» на Еўрабачанні 2012
Асноўная інфармацыя
Жанры	рок-музыка і поп-рок
Краіны	Беларусь
Адкуль	Мінск
Лэйблы	West Records
Склад	Дзмітрый Каракін Уладзімір Каракін
Былыя ўдзельнікі	Сяргей Гінько Мырыё Гулінскі
Іншыя праекты	КонтраБанда, ансамбль Інстытута пагранічнай службы Рэспублікі Беларусь[1]
litesound.info
Медыяфайлы на Вікісховішчы

Гісторыя

Браты Уладзімір Каракін (злева) і Дзмітрый Каракін (справа) у час афіцыйнага адкрыцця пляцоўкі для воркаўта ў парку імя Міхаіла Паўлава ў Мінску, 12 верасня 2015 г.

Гурт прадставіў Беларусь на конкурсе эстраднай песні Еўрабачанне 2012 з кампазіцыяй «We are the Heroes»^[4].

У 2020 годзе гурт падтрымаў пратэсты супраць фальсіфікацыі прэзідэнцкіх выбараў 2020 года, праз што пазбаўлены магчымасці канцэртаў у Беларусі. У час пратэстаў гурт запісаў беларускамоўную песню «Мы героі», версію песні, з якой яны выступалі на Еўрабачанні^[5], пасля запісаў песню на словы Якуба Коласа «Беларускаму люду», граў у падтрымку палітычных вязняў^[6]. 13 кастрычніка 2022 года Дзмітрый і Уладзімір Каракіны затрыманы спецслужбай рэжыму Лукашэнкі — САХР, змешчаны ў СІЗА-1 Мінска і абвінавачаны паводле арт. 342 КК Беларусі ў актыўным ўдзеле ў групавых дзеяннях, якія груба парушаюць грамадскі парадак^[7].

У сакавіку 2023 года браты Каракіны і іх бацькі былі прыгавораны да некалькіх гадоў «хатняй хіміі» за ўдзел у пратэстах 2020 года^[8].

Склад

• Дзмітрый Каракін — вакал, гітара, бас-гітара, клавішы (з 2005)
• Уладзімір Каракін — вакал, гітара (з 2005)
• Яўген Бальчус — бас-гітара, вакал (з 2017)
• Макс Бабко — ударныя (з 2019)

Былыя ўдзельнікі і сесійныя музыкі

• Сяргей Гінько — ударныя (2005—2008)
• Марыё Гулінскі (Уладзімір Гулінскі) — бас-гітара (2005—2012)
• Аляксандр Валашчык — ударныя (2008—2012)
• Яўген Садоўскі — клавішныя (2009—2012)
• Ігнат Яковіч — ударныя (2012)
• Алекс Колчын — вакал, клавішы, гітара (2012—2013)
• Алесь Собаль — ударныя (2012—2013)
• Якопа Маса (Jacopo Massa) — вакал, гітара, бас-гітара (2010—2013)
• Арцемій Даронкін — бас-гітара (2013—2014)
• Ягор Даронкін — ударныя (2013—2014)
• Андрэй Рававы — ударныя (2015—2016, 2018—2019)