MOROP

MOROP (ням.: Verband der Modelleisenbahner und Eisenbahnfreunde Europas — Аб’яднанне чыгуначных мадэлістаў і сяброў чыгункі Еўропы^[1]) — федэрацыйная арганізацыя, якая аб’ядноўвае нацыянальныя федэрацыі чыгуначнага мадэлізму і сяброў чыгункі ў Еўропе. Штаб-кватэра месціцца ў Берне (Швейцарыя); федэрацыя падпарадкоўваецца швейцарскім законам.

Федэрацыя была заснаваная ў 1954 у Генуі (Італія) з мэтай уніфікацыі памераў і правілаў у чыгуначным мадэлізме. Федэрацыйны прынцып уведзены ў 1958. Станам на 2025 год складаецца з 19 нацыянальных арганізацый з 16 краін і аб’ядноўвае больш за 30 тыс. удзельнікаў.^[2] Афіцыйныя мовы — французская і нямецкая.

Федэрацыя выпускае серыю стандартаў NEM, у якой рэгламентуецца рад геаметрычных і электрычных параметраў чыгуначных мадэляў. Супольна з амерыканскай федэрацыяй NMRA выпускае серыю стандартаў на лічбавыя сістэмы кіравання чыгуначнымі мадэлямі (англ.: Digital Control Command, DCC).

Гл. таксама

• Тыпапамер T
• Roco

Зноскі

1. Пачаткова скарачэнне чыталася як Verband der Modelleisenbahner Europas — Аб’яднанне чыгуначных мадэлістаў Еўропы.
2. Home - MOROP (англ.). Архівавана з першакрыніцы 18 мая 2025. Праверана 18 верасня 2025.