Дуб пухнаты

Дуб пухнаты (Quércus pubéscens) — від дрэў з роду Дуб сямейства Букавыя (Fagaceae).

Дуб пухнаты
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Букакветныя Сямейства:  Букавыя Род:  Дуб Від:  Дуб пухнаты
Міжнародная навуковая назва
Quercus pubescens Willd, nom. cons., 1796
Сістэматыка на Віківідах Выявы на Вікісховішчы NCBI   39471 EOL   1151340 GRIN   t:30735 IPNI   326376-2 TPL   kew-174591

Батанічнае апісанне

Невысокае дрэва (да 12-18 метраў^[1]) з шырокай кронай, часам нават куст. Ствол часта звілісты. Маладыя парасткі моцна апушаныя.

Лісце дубу пухнатага.

Лісце 5-10 см даўжынёй, вельмі зменлівае па форме і велічыні, з 4-8 парамі тупых або завостраных лопасцяў, зверху цёмна-зялёнае, голае, знізу шэра-зялёнае, апушанае.

Лускавінкі плюскі, якая атуляе жолуд, таксама пухнатыя.

Арэал і экалогія

Арэал віду — паўднёвы Крым, паўночная частка Закаўказзя, Паўднёвая Еўропа і Малая Азія. Расце ў запаведніках Крыма. Утварае ксерафітныя рэдкалессі на пародах, якія змяшчаюць вапну. Вельмі святлалюбны ксерафіт^[2]. Расце ў лясах ніжняга пояса на паўднёвых схілах гор, падымаючыся на вышыню да 400 метраў над узроўнем мора. Дае высокакаларыйнае паліва. Сеянцы дуба пухнатага выкарыстоўваюцца як прышчэпа для няўстойлівых да марозу і засухі відаў дуба.

Зноскі

1. Дуб пушистый — Quercus pubescens Willd. на megabook.ru
2. Энциклопедия декоративных садовых растений (нявызн.). Архівавана з першакрыніцы 13 студзеня 2013.