Slow Down (песня Лары Уільямса)

«Slow Down» — песня ў форме 24-тактавага блюзу, напісаная і запісаная Лары Уільямсам. Выпушчаная на сінгле ў 1958 годзе, стала хітом у жанры «рытм-н-блюз», паўплывала на рост папулярнасці рок-н-ролу ў той час. Сінгл (на хуткасць 45 абаротаў на хвіліну), запісаны Уільямсам у 1958 годзе, уключаў «Dizzy Miss Lizzy» на баку «А» і «Slow Down» на баку «Б». Абедзве песні неаднаразова ў далейшым выконваліся ў кавер-версіях іншымі артыстамі, у тым ліку The Beatles выпусцілі іх запісы, адпаведна, у 1965 і 1964 гадах.

Slow Down
Сінгл Лары Уільямса
Бок «А»	Dizzy Miss Lizzie
Бок «Б»	Slow Down
Выпушчаны	сакавік 1958
Мова	англійская[1]
Фармат	7"
Жанр	рок-н-рол
Кампазітар	Лары Уільямс
Лэйбл	Specialty 626 (ЗША) London HLU 8604 (Вялікабрытанія)
Аўтар песні	Larry Williams[d]
Лары Уільямса, храналогія сінглаў
««Bony Moronie»» (1957) «Slow Down» (1958) ««Hootchy-Koo»» (1958)

Slow Down
Выканаўца	The Beatles
Альбом	Long Tall Sally (міні-альбом)
Дата выпуску	19 чэрвеня 1964
Дата запісу	1 чэрвеня 1964
Жанр	рок-н-рол
Мова песні	англійская[1]
Працягласць	2:55
Лэйбл	Parlophone GEP 8913 (mono)
Аўтар	Лары Уільямс
Кампазітар	Larry Williams[d]
Прадзюсар	Джордж Марцін
Трэк-ліст альбома «Long Tall Sally (міні-альбом)»
«I Call Your Name» (2) «Slow Down» (3) «Matchbox» (4)

Slow Down
Сінгл The Beatles з альбома Something New
Бок «А»	Matchbox
Бок «Б»	Slow Down
Выпушчаны	24 жніўня 1964
Мова	англійская[1]
Фармат	7”
Запісаны	1 чэрвеня 1964
Жанр	рок-н-рол
Кампазітар	Larry Williams[d]
Працягласць	2:52
Лэйбл	Capitol 5255[2]
Прадзюсар	Джордж Марцін
Аўтар песні	Лары Уільямс
The Beatles, храналогія сінглаў
«I'll Cry Instead» (1964) «Slow Down» (1964) «I Feel Fine» (1964)

Версія The Beatles

The Beatles выконвалі кавер-версію песні ў сваіх выступах і раней за 1964 год, калі нарэшце 1 чэрвеня 1964 года запісалі песню і 19 чэрвеня 1964 года выпусцілі яе ў Вялікабрытаніі на міні-альбоме Long Tall Sally. Крыху пазней, таксама ў 1964 годзе, песня была выпушчана і ў ЗША: у ліпені 1964 — на альбоме Something New, у жніўні 1964 — на баку «Б» сінгла «Matchbox», які ўзняўся да 25-го месца ў чарце Billboard Hot 100. Песня ў запісе The Beatles увайшла таксама ў іх зборнікі Past Masters, Volume One (1988) і Live at the BBC (1994) (у апошні — у версіі, запісанай 16 ліпеня 1963 года ў BBC Paris Theatre у Лондане^[3]).

Музычны крытык Іэн Макдональд крытыкаваў выкананне The Beatles гэтай песні як «адну з найменш удалых кавер-версій у дзейнасці The Beatles», адсутнасць «фундаменту, драйву і асновы згуртаванасці» (англ.: bottom, drive and basic cohesion) і ўказваў, што «гітарнае сола [Ленана] нязручнае, і руйнуецца баланс гуку». Ён таксама ўказвае на след неахайнага рэдагавання запісу, дзе на 1:14 (1 хвіліна 14 секунд ад пачатку) на імгненне знікаюць гучанне як фартэпіяна, так і бас-гітары Мак-Картні^[4]. Рынга Стар таксама, як можна пачуць, губляе рытм падчас песні (англ.: Starr can likewise be heard to lose time during the song).

Склад удзельнікаў запісу

• Джон Ленан — вакал, сола-гітара
• Пол Мак-Картні — бас-гітара
• Джордж Харысан — рытм-гітара
• Рынга Стар — барабаны
• Джордж Марцін — фартэпіяна (дададзена да запісу 4 чэрвеня 1964 года)^[3]