Дуброўнік часночны

Дуброўнік часночны^[1][2] (Teucrium scordium) — від кветкавых раслін сямейства Ясноткавыя (Lamiaceae).

Дуброўнік часночны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ясноткакветныя Сямейства:  Ясноткавыя Падсямейства:  Teucrioideae Род:  Дуброўнік Від:  Дуброўнік часночны
Міжнародная навуковая назва
Teucrium scordium L., 1753
Сістэматыка на Віківідах Выявы на Вікісховішчы NCBI   1132410 EOL   2894350 GRIN   t:430901 IPNI   460713-1 TPL   kew-203381

Апісанне

Шматгадовая травяністая расліна 25—50 см вышынёй. Сцябло прыўзнятае, валасістае. Лісце даўгавата-эліптычнае, у 2—3 разы даўжэй сваёй шырыні, з круглявым або невыразна сэрцападобным аснаваннем, востра-гародкава-зубчастае, каротка-волосістае, сядзячае. Сцябло і лісце часта маюць фіялетавае адценне^[2]. Кветкі на кароткіх чаранках. Кольцы 2—4-кветкавыя. Вяночак ярка пурпурны. Плод — арэшак.

Расліна мае часночны пах^[2].

Распаўсюджанне

Распаўсюджаны ў Еўропе, Афрыцы і Азіі^[3][4]. На тэрыторыі Беларусі сустракаецца пераважна ў далінах рэк Прыпяць, Дняпро, Сож, радзей у далінах Нёмана і Заходняй Дзвіны^[2]. Ва Украіне від расце на поймавых лугах, берагах рэк і балот — у лесастэпе, стэпе, зрэдку на Палессі, галоўным чынам на Левабярэжжы.

Цвіце ў ліпені—жніўні.

Галерэя

• 
  Батанічная ілюстрацыя

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 129. — 160 с. — 2 350 экз.
2. Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
3. bgbm.org (нявызн.). (англ.)
4. plantsoftheworldonline.org (нявызн.). (англ.)