Сайт

Сайт, вэб-сайт (ад англ.: website: web — «павуцінне, сетка» і site — «месца», літаральна «месца, сегмент, частка ў сетцы») — сукупнасць вэб-старонак прыватнай асобы або арганізацыі ў камп’ютарнай сетцы, аб’яднаных пад адным адрасам (даменным імем ці IP-адрасам).

Галоўная старонка сайта Wikipedia.org

Усе вэб-сайты ў сукупнасці складаюць Сусветнае павуцінне, доступ да якога карыстальнікі атрымоўваюць праз Інтэрнэт. Для прагляду вэб-сайтаў патрэбная адмысловая праграма — вэб-браўзер. Акрамя вэб-сайтаў, якія даступныя кожнаму ў Інтэрнэце, існуюць прыватныя вэб-сайты ўнутры прыватных камп’ютарных сетак (напрыклад, вэб-сайт кампаніі з унутранай дакументацыяй для супрацоўнікаў), а таксама сайты ў ананімных сетках (напрыклад, Даркнэт), якія патрабуюць выкарыстання дадатковых праграм.

Для прамога доступу кліентаў да сайтаў на серверах быў адмыслова распрацаваны пратакол HTTP.

Спіс сайтаў па папулярнасці

Папулярнасць сайтаў вызначаецца, як правіла, па колькасці наведвальнікаў. Станам на снежань 2025 года найбольш папулярнымі сайтамі ў свеце былі наступныя^[1]:

1. google.com — пошукавая сістэма і мультысэрвісны партал.
2. youtube.com — сэрвіс які прадстаўляе паслугі хостынгу відэаматэрыялаў.
3. facebook.com — самая вялікая сацыяльная сетка у свеце.
4. instagram.com — сацыяльная сетка з распаўсюджваннем фота і кароткіх відэа.
5. chatgpt.com — віртуальны суразмоўца з генератыўным штучным інтэлектам.
6. x.com (раней Twitter) — сацыяльная сетка з кароткімі тэкставымі нататкамі.
7. reddit.com — сацыяльная сетка з мноствам тэматычных форумаў.
8. whatsapp.com — сэрвіс абмену паведамленнямі і галасавой сувязі.
9. wikipedia.org — свабодная мультымоўная ўніверсальная энцыклапедыя.
10. bing.com — пошукавая сістэма ад Microsoft.