Ігар Алегавіч Сяргееў

Ігар Алегавіч Сяргееў (нар. 10 кастрычніка 1979, Крычаў) — беларускі інжынер і дэпутат.

Ігар Алегавіч Сяргееў
Нараджэнне	10 кастрычніка 1979(1979-10-10) (45 гадоў) Крычаў, Крычаўскі раён, Магілёўская вобласць, Беларуская ССР, СССР

У Вікіпедыі ёсць артыкулы пра іншых людзей з прозвішчам Сяргееў.

Біяграфія

Нарадзіўся 10 кастрычніка 1979 года ў Крычаве Магілёўскай вобласці^[1].

Скончыў Беларускую дзяржаўную сельскагаспадарчую акадэмію па спецыяльнасці «Аграхімія, глебазнаўства і ахова раслін», Інстытут павышэння кваліфікацыі і перападрыхтоўкі кадраў Магілёўскага дзяржаўнага ўніверсітэта імя А. А. Куляшова па спецыяльнасці «Правазнаўства»^[1].

Працоўную дзейнасць пачаў аграномам-хімікам калгаса «Зорка» Крычаўскага раёна; працаваў майстрам цэха па перапрацоўцы аўса Крычаўскага хлебапрыёмнага прадпрыемства; інспектарам службы кантролю, інспектарам аддзела кантролю і аховы, інжынерам-эканамістам аддзела знешнеэканамічных сувязяў службы маркетынгу, інжынерам-эканамістам другой катэгорыі гэтага аддзела, інжынерам па арганізацыі і нармаванні працы і начальнікам аддзела арганізацыі працы і заработнай платы ВРУП «Крычаўцэментнашыфер»; начальнікам аддзела арганізацыі працы і заработнай платы, намеснікам генеральнага дырэктара па камерцыйных пытаннях гэтага прадпрыемства^[1]. Генеральны дырэктар Беларускага цэментнага завода^[1].

Абіраўся дэпутатам Крычаўскага раённага Савета дэпутатаў 27-га склікання^[1].

Дэлегат VII Усебеларускага народнага сходу^[1].

Выбраны ў 2024 годзе членам Савета Рэспублікі Нацыянальнага сходу Беларусі 8-га склікання ад Магілёўскай вобласці (вылучаны ад Быхаўскага, Касцюковіцкага, Краснапольскага, Слаўгарадскага раёнаў)^[1]. Член Пастаяннай камісіі Савета Рэспублікі па заканадаўстве і дзяржаўным будаўніцтве^[1].

Член працоўных груп Нацыянальнага сходу Рэспублікі Беларусь па супрацоўніцтве з парламентамі Рэспублікі Зімбабвэ, Рэспублікі Інданезія, Ісламскай Рэспублікі Пакістан^[1].

Член Беларускай партыі «Белая Русь»^[1].

Узнагароды

Узнагароджаны нагрудным знакам Саюза будаўнікоў Рэспублікі Беларусь «За заслугі ў будаўніцтве», ганаровым знакам Саюза вытворцаў цэменту «Саюзцэмент» (г. Масква) «За асаблівы ўклад у развіццё цэментнай прамысловасці»^[1].