Інстытут агульнай і неарганічнай хіміі НАН Беларусі

Інстытут агульнай і неарганічнай хіміі Нацыянальнай акадэміі навук Беларусі быў утвораны ў 1959 годзе ў выніку падзелу Інстытута хіміі АН БССР на два інстытуты: Інстытут агульнай і неарганічнай хіміі АН БССР і Інстытут фізіка-арганічнай хіміі АН БССР^[1]. Інстытут замацаваны за Аддзяленнем хіміі і навук аб Зямлі і працуе ў складзе дзяржаўнага навукова-вытворчага аб’яднання «Хімічныя прадукты і тэхналогіі». Знаходзіцца на вуліцы Сурганава, 9.

Інстытут агульнай і неарганічнай хіміі НАН Беларусі
Заснаваны	1959
Супрацоўнікаў	92 чал.
Сайт	igic.bas-net.by

Асноўныя кірункі навуковых даследаванняў

• сінтэз адсарбентаў і каталізатараў, неарганічных матэрыялаў з зададзеным комплексам спецыяльных уласцівасцяў
• паверхневыя з’явы і дысперсныя сістэмы

Распрацоўкі

• тэхналогіі атрымання новых формаў мінеральных угнаенняў
• рэагентныя сумесі для флатацыі калійных рудаў Старобінскага радовішча
• тэхналогіі хімічна устойлівых шклоэмаляў для апаратуры і трубаправодаў са сталі, актываваных вугальных валокнаў і тканін, вогнебіяахоўных матэрыялаў, святлоадчувальных кампаўндаў і лакаў, медыцынскіх геляў

Структура

• Лабараторыя мінеральных угнаенняў
• Лабараторыя фотахіміі і электрахіміі
• Лабараторыя адсарбентаў і адсарбцыйных працэсаў
• Аддзел кампазіцыйных матэрыялаў
  • Лабараторыя палімерзмяшчальных дысперсных сістэм
  • Лабараторыя хіміка-аналітычных даследаванняў мінеральнай сыравіны
• Лабараторыя калоіднай хіміі ліяфобных сістэм
• Галіновыя лабараторыі
  • Галіновая лабараторыя лакафарбавых матэрыялаў
  • Галіновая лабараторыя водна-хімічных працэсаў і рэагентных рэжымаў у прамысловых энергетычных сістэмах водазабеспячэння

Дырэктары інстытута ў розныя гады

• Міхаіл Міхайлавіч Паўлючэнка (1959—1966)
• Уладзімір Сямёнавіч Камароў (1966—1993)
• Мікалай Паўлавіч Круцько (1993—2016)
• Анатоль Іосіфавіч Кулак (з 2016)