Інстытут пагранічнай службы Рэспублікі Беларусь

Дзяржаўная ўстанова адукацыі «Інстытут пагранічнай службы Рэспублікі Беларусь» — вышэйшая навучальная ўстанова органаў пагранічнай службы Рэспублікі Беларусь.

Інстытут пагранічнай службы Рэспублікі Беларусь
Заснаваны	2010
Тып	ВНУ
Рэктар	Сяргей Васілевіч Жылінскі
Краіна	Беларусь
Размяшчэнне	220103, Беларусь, г. Мінск, вул. Славінскага, 4
Узнагароды	Спецыяльная прэмія Прэзідэнта Рэспублікі Беларусь дзеячам культуры і мастацтва
Сайт	ips.gpk.gov.by

Інстытут з’яўляецца правапераемнікам факультэта пагранічных войскаў пры Ваеннай акадэміі Рэспублікі Беларусь.

Гісторыя

• Інстытут пагранічнай службы быў утвораны Указам Прэзідэнта Рэспублікі Беларусь ад 5 мая 2010 г. № 237.
• 22 чэрвеня 2011 года Інстытуту быў уручаны Баявы сцяг.
• З верасня 2012 года ў Інстытуце была арганізавана падрыхтоўка вайскоўцаў замежных дзяржаў^[1].

Указам Прэзідэнта Рэспублікі Беларусь ад 29 снежня 2020 г. калектыў Інстытута ўзнагароджаны Спецыяльнай прэміяй Прэзідэнта Рэспублікі Беларусь дзеячам культуры і мастацтва «за значны ўклад у фарміраванне духоўных асноў падрастаючага пакалення, рэалізацыю маладзёжнага патрыятычнага праекта „Тым, хто мужнасцю сваёй у неўміручасць крочыў“»^[2].

Структура

Факультэты:

• Падрыхтоўкі афіцэрскіх кадраў
• Павышэння кваліфікацыі і перападрыхтоўкі

Кафедры:

• Дысцыплін забеспячэння аператыўна службовай дзейнасці
• Ідэалагічнай працы
• Замежных моў
• Агульнаваенных і спецыяльных дысцыплін
• Аператыўна-вышуковай дзейнасці
• Памежнага кантролю
• Памежнай службы
• Прафесійна-прыкладной фізічнай падрыхтоўкі і спорту
• Сацыяльна-гуманітарных дысцыплін
• Кіравання органамі памежнай службы
• Прававога забеспячэння

Навучальныя цэнтры:

• Цэнтр падрыхтоўкі спецыялістаў памежнага кантролю ў г. Брэст
• Навучальны цэнтр у г. Смаргонь

Музыка

Пад патранажам Інстытута дзейнічае аднайменны ансабль і хор.^[3]

Начальнікі

• (1993—1997) — Уладзімір Пятровіч Ліпаўка
• (1997—2010) — Віктар Барысавіч Петрыкевіч
• (2010—2014) — Уладзімір Рыгоравіч Майсеенка
• (2015—2017) — Васіль Сцяпанавіч Гедзько
• (з 2018) — Сяргей Васілевіч Жылінскі

Зноскі

1. Гісторыя інстытута
2. УКАЗ ПРЭЗІДЭНТА РЭСПУБЛІКІ БЕЛАРУСЬ 29 снежня 2020 г. № 499 Аб прысуджэнні спецыяльнай прэміі Прэзідэнта Рэспублікі Беларусь
3. Дневник проекта «ХОРоШОУ». Репетиция хора пограничной службы РБ (руск.). СТБ. Архівавана з першакрыніцы 23 жніўня 2013. Праверана 22 студзеня 2019.