Інстытут прыкладной фізікі НАН Беларусі

Інстытут прыкладной фізікі Нацыянальнай акадэміі навук Беларусі быў утвораны ў 1963 годзе як Аддзел фізікі неразбуральнага кантролю Акадэміі навук БССР. У 1980 годзе пераўтвораны ў Інстытут прыкладной фізікі АН БССР.^[3] Знаходзіцца ў Мінску на вуліцы Акадэмічная, 16.

Інстытут прыкладной фізікі НАН Беларусі
Арыгінальная назва	альтэрн.: Інстытут дастасоўнай фізыкі[1]
Заснаваны	1963
Супрацоўнікаў	100 чал. (2022)[2]

Асноўныя кірункі навуковых даследаванняў

• развіццё навуковых асноў, даследаванне фізічных прынцыпаў, стварэнне метадаў і сродкаў неразбуральнага кантролю рэчыва, вырабаў і тэхналагічных працэсаў галін машынабудавання і энергетыкі;
• фізічныя і матэматычныя асновы вылічальнай дыягностыкі аб’ектаў і сістэм з неаднароднай і зменлівай структурай.

Навуковыя распрацоўкі

• тэорыя нелінейных дынамічных працэсаў перамагнічвання і неаднароднага намагнічвання;
• асновы магнітных і электрамагнітных метадаў неразрубальнага кантролю;
• тэарэтычныя асновы капілярнага неразбуральнага кантролю і акустычных метадаў дэфектаскапіі з выкарыстаннем магнітных палёў;
• тэорыя сістэм з выпадковай і зменлівай структурай для дыягностыкі і бяспечнага кіравання дынамічнымі аб’ектамі;
• фізічныя асновы кантролю фізіка-механічных, магнітных і электрычных уласцівасцей матэрыялаў і вырабаў (у т.л. шматслойных і неаднародных)

Навуковыя падраздзяленні

Лабараторыі

• Металафізікі
• Кантактна-дынамічных метадаў кантролю
• Вылічальных метадаў дыягностыкі
• ЗВЧ-электронікі і радыётамаграфіі
• Электрамагнітных метадаў кантролю
• Магнітных метадаў кантролю
• Ультрагукавай і оптаакустаэлектроннай дыягностыкі

Аддзелы

• Тэхнагеннай бяспекі і канструкцыйнага матэрыялазнаўства
• Канструктарска-тэхналагічны

Дырэктары інстытута ў розныя гады

• Мікалай Сяргеевіч Акулаў (1963—1967)
• Франюк (1967—1970)
• Мікалай Мікалаевіч Зацэпін (1970—1987)
• Валянцін Міхайлавіч Арцем’еў (1987—1993)
• Пётр Пятровіч Прахарэнка (1993—2004)
• Мікалай Пятровіч Мігун (2005—2014)
• Раман Георгіевіч Шулякоўскі (2014—2020)
• Міхаіл Львовіч Хейфец (з 2020^[4])