Азярэц (Баранавіцкі раён)

У паняцця ёсць і іншыя значэнні, гл. Азярэц.

Азярэ́ц^[1] (трансліт.: Aziarec, руск.: Озерец) — вёска ў Баранавіцкім раёне Брэсцкай вобласці. Уваходзіць у склад Вольнаўскага сельсавета. Размешчаны за 28 км на паўднёвы ўсход ад Баранавічаў, за 20 км ад чыгуначнай станцыі Пагарэльцы на лініі Баранавічы — Мінск.

Вёска Азярэц Краіна Беларусь Вобласць Брэсцкая Раён Баранавіцкі Сельсавет Вольнаўскі Каардынаты 53°17′43″ пн. ш. 26°08′44″ у. д.HGЯO Насельніцтва ▼17 чал. (2009) Часавы пояс UTC+3 Тэлефонны код +375 163 Аўтамабільны код 1 СААТА 1204807051 Азярэц Азярэц

Гісторыя

У 1897 годзе фальварак у Гарадзішчанскай воласці Навагрудскага павета Мінскай губерні, у пачатку XX стагоддзя хутар у Чэрніхаўскай воласці.

З 1921 года ў складзе Польскай Рэспублікі, у Баранавіцкім павеце Навагрудскага ваяводства.

З 1939 года ў БССР. З 15 студзеня 1940 года ў Гарадзішчанскім раёне Баранавіцкай, з 8 студзеня 1954 года Брэсцкай абласцей, з 25 снежня 1962 года ў Баранавіцкім раёне.

У Вялікую Айчынную вайну з чэрвеня 1941 года да 7 ліпеня 1944 года акупіраваны нямецка-фашысцкімі захопнікамі. На франтах вайны загінулі 6 аднавяскоўцаў.

Насельніцтва

• 1 двор, 9 жыхароў (1897)
• 238 жыхароў (1959)
• 135 жыхароў (1970)
• 18 гаспадарак, 24 жыхары (2005)

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)