Алег Сцяпанавіч Сакадынец

Алег Сцяпанавіч Сакадынец (нар. 7 лістапада 1951, в. Боркі Кіраўскага раёна Магілёўскай вобласці) — беларускі медык і палітык.

Алег Сцяпанавіч Сакадынец
Нараджэнне	7 лістапада 1951(1951-11-07) (73 гады) Боркі, Грыбавецкі сельсавет, Кіраўскі раён, Бабруйская вобласць, Беларуская ССР, СССР
Адукацыя	БДМУ
Месца працы	Магілёўская абласная псіхіятрычная бальніца[d] Галоўнае ўпраўленне па ахове здароўя Магілёўскага аблвыканкама[d]
Узнагароды	ганаровая грамата Нацыянальнага сходу Рэспублікі Беларусь

Біяграфія

Скончыў Мінскі ордэна Працоўнага Чырвонага Сцяга дзяржаўны медыцынскі інстытут па спецыяльнасці лячэбная справа. Пасля службы ў радах Узброеных Сіл працаваў урачом-інтэрнам, урачом-псіхіятрам, загадчыкам аддзялення, намеснікам галоўнага ўрача Магілёўскай абласной псіхіятрычнай бальніцы, першым намеснікам начальніка ўпраўлення аховы здароўя Магілёўскага аблвыканкама.

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь трэцяга і чацвёртага скліканняў^[1].

У красавіку 2024 года быў выбраны дэлегатам на Усебеларускі народны сход 7-га склікання ад Беларускага грамадскага аб’яднання ветэранаў^[2].

Узнагароды

Узнагароджаны юбілейным медалём «90 год Узброеных Сіл Рэспублікі Беларусь», «За працоўныя заслугі», Ганаровай граматай Нацыянальнага сходу Рэспублікі Беларусь^[3].