Аляксандр Сяргеевіч Ясенін-Вольпін

Аляксандр Сяргеевіч Ясенін-Вольпін (англ.: Alexander Esenin-Volpin; 12 мая 1924, Ленінград, РСФСР — 16 сакавіка 2016, Бостан, ЗША) — савецкі і амерыканскі матэматык, філосаф, паэт, адзін з лідараў дысідэнцкага і праваабарончага руху ў СССР, піянер прававой асветы ў дысідэнцкіх колах савецкага грамадства, сын Сяргея Ясеніна.

Аляксандр Сяргеевіч Ясенін-Вольпін
Дата нараджэння	12 мая 1924(1924-05-12)
Месца нараджэння	Ленінград, РСФСР, СССР[1]
Дата смерці	16 сакавіка 2016(2016-03-16)[2] (91 год)
Месца смерці	Бостан, акруга Сафалк[d], Масачусетс, ЗША
Грамадзянства	ЗША  СССР
Бацька	Сяргей Аляксандравіч Ясенін
Маці	Надзея Давыдаўна Вольпін
Род дзейнасці	матэматык, паэт, пісьменнік, праваабаронца
Навуковая сфера	матэматычная логіка і матэматыка
Месца працы	Бостанскі ўніверсітэт Універсітэт Буфала
Навуковая ступень	кандыдат фізіка-матэматычных навук
Альма-матар	механіка-матэматычны факультэт МДУ[d]
Навуковы кіраўнік	Павел Сяргеевіч Аляксандраў і Пётр Сяргеевіч Новікаў

Арганізатар «Мітынга галоснасці» 5 снежня 1965 года ў Маскве, у 1970—1972 гадах з’яўляўся экспертам Камітэта правоў чалавека ў СССР, як палітвязень правёў у турмах, ссылцы і псіхіятрычных клініках 6 гадоў. Адным з першых у 1960-х гадах у СССР пачаў прапагандаваць прававы падыход ва ўзаемаадносінах дзяржавы і грамадзян, прысвяціўшы шэраг прац тэарэтычным аспектам праблемы заканадаўчага забеспячэння правоў чалавека ў СССР і правапрымяняльнай практыцы ў гэтай галіне. Стваральнік знакамітай фразы «Паважайце вашу Канстытуцыю!».

Аўтар некалькіх работ у галіне агульнай тапалогіі, матэматычнай логікі і асноў матэматыкі.

Гл. таксама

• Карная псіхіятрыя
• Юрый Аляксандравіч Вятохін