Аляксей Аляксеевіч Шукшын

Аляксей Аляксеевіч Шукшын (1949, Мінск — 2009, Беларусь^[1][2]) — беларускі баскетбаліст, трэнер. Першым сярод беларусаў стаў майстрам спорту міжнароднага класу (1973) і выйграў юніёрскае першынство Еўропы ў складзе зборнай СССР (1968). Заслужаны трэнер БССР (1985)^[3].

Аляксей Аляксеевіч Шукшын
Нарадзіўся	1949 Мінск, Беларуская ССР, СССР
Памёр	2009 Беларусь
Грамадзянства	Беларусь
Клубная кар’ера[* 1]
РТІ ЦСКА Масква Гомельскія рысі
Колькасць гульняў і балаў за прафесійны клуб лічыцца толькі для розных ліг нацыянальных чэмпіянатаў.

У Вікіпедыі ёсць артыкулы пра іншых людзей з прозвішчам Шукшын.

Кар’ера баскетбаліста

Нарадзіўся і вырас у Мінску ў раёне трактарнага завода. Выхаванец мінскага СК «Трактар». Першы трэнер — Яўген Барысавіч Кацман.

Быў асноўным цэнтравым гульцом у мінскім РТІ (1967—1981, з перапынкамі). Таксама выступаў за маскоўскі ЦСКА (1973), гомельскі «Сож» (1978/79), ташкенцкі «Універсітэт» (1979/80).

У 1965—1968 гадах прыцягваўся ў юніёрскую (U-18) зборную СССР, стаў чэмпіёнам Еўропы сярод юніёраў (1968). У 1973 годзе стаў уладальнікам Кубка СССР у складзе ЦСКА і пераможцам Сусветнага фестываля баскетбола ў Перу ў складзе мужчынскай зборнай СССР.

Кар’ера трэнера

Быў галоўным трэнерам мінскага РТІ (1981—1987). Пад яго кіраўніцтвам каманда займала пятае (1982/83) і шостае (1984/85) месца ў чэмпіянаце СССР^[4].

З 1985 па 1986 год працаваў другім трэнерам мужчынскай зборнай СССР — чэмпіёна Еўропы-1985, пераможца Сусветнай Універсіяды-1985 і сярэбранага прызёра чэмпіянату свету-1986.

У 1988—1990 гадах быў галоўным трэнерам балгарскага клуба «Славія» (Сафія), дзе пад яго кіраўніцтвам выступалі беларускія баскетбалісты Аляксандр Папкоў і Аляксандр Сатыраў^[5].

У 1993 годзе стаў першым настаўнікам нацыянальнай каманды суверэннай Беларусі. У апошнія гады жыцця працаваў у заснаванай ім зборнай ветэранаў беларускага баскетбола^[6].

Зноскі

1. Баскетбол. Умер Алексей Шукшин (нявызн.)(недаступная спасылка). Архівавана з першакрыніцы 6 мая 2022. Праверана 6 мая 2022.
2. Утрата. Он не любил, когда наполовину... (нявызн.)(недаступная спасылка). Архівавана з першакрыніцы 6 мая 2022. Праверана 6 мая 2022.
3. Летопись белорусского баскетбола
4. Умер известный белорусский баскетболист (нявызн.)(недаступная спасылка). Архівавана з першакрыніцы 25 кастрычніка 2021. Праверана 25 кастрычніка 2021.
5. Старая гвардия: Александр Сатыров. Гомельский звал меня Профессором (нявызн.)(недаступная спасылка). Архівавана з першакрыніцы 25 сакавіка 2022. Праверана 3 чэрвеня 2022.
6. ТОЧКА ЗРЕНИЯ. Алексей Шукшин: кто не помнит прошлого, не построит будущего (нявызн.)(недаступная спасылка). Архівавана з першакрыніцы 3 чэрвеня 2022. Праверана 3 чэрвеня 2022.