Андрэй Андрэевіч Ракаў

Андрэй Андрэевіч Ра́каў^[2] (7 кастрычніка 1931 — 17 кастрычніка 2011) — вучоны, эканаміст і сацыёлаг, доктар эканамічных навук (1985), прафесар (1990).

Андрэй Андрэевіч Ракаў
Дата нараджэння	7 кастрычніка 1931(1931-10-07)[1]
Месца нараджэння	Церахоўка, Церахоўскі сельсавет, Добрушскі раён, Беларусь
Дата смерці	17 кастрычніка 2011(2011-10-17)[1] (80 гадоў)
Месца смерці	Мінск, Беларусь
Грамадзянства	СССР  Беларусь
Род дзейнасці	эканаміст, сацыёлаг, дэмограф
Навуковая сфера	эканоміка і сацыялогія
Месца працы	Інстытут эканомікі НАН Беларусі Інстытут сацыялогіі НАН Беларусі
Навуковая ступень	доктар эканамічных навук (1985)
Навуковае званне	прафесар
Альма-матар	факультэт філасофіі і сацыяльных навук БДУ
Узнагароды	Грамата Прэзідыума Вярхоўнага Савета БССР

У Вікіпедыі ёсць артыкулы пра іншых людзей з прозвішчам Ракаў.

Біяграфія

Нарадзіўся ў вёсцы^[2] Церахоўка (зараз у складзе гарадскога пасёлка Церахоўка Добрушскага раёна Гомельскай вобласці Беларусі). Скончыў сярэднюю школу і паступіў у 1949 годзе на філасофскае аддзяленне Беларускага дзяржаўнага ўніверсітэта, які скончыў у 1959 годзе. У 1957 годзе скончыў аспірантуру пры кафедры палітычнай эканоміі^[3]. У 1957—1961 гадах малодшы, старшы навуковы супрацоўнік у Інстытуце эканомікі сельскай гаспадаркі. У 1961—1963 гадах у Мінскім абласным камітэце КПБ. Са студзеня 1963 года працаваў у Навукова-даследчым інстытуце эканомікі і эканоміка-матэматычных метадаў пры Дзяржплане БССР (сучасны Навукова-даследчы эканамічны інстытут Міністэрства эканомікі Рэспублікі Беларусь), дзе ўзначаліў аддзел насельніцтва і працоўных рэсурсаў^[4][3].

Памёр А. А. Ракаў у Мінску 17 (18^[3]) кастрычніка 2011 года.

Навуковая дзейнасць

Аўтар навуковых прац па сацыяльнай і эканамічнай дэмаграфіі, тэорыі і метадалогіі сацыяльна-дэмаграфічных працэсаў, праблемах дэмаграфічных вынікаў катастрофы на Чарнобыльскай АЭС і інш. У пачатку 1970-х гадоў прапанаваў сацыяльна-дэмаграфічнае абгрунтаванне, якое дазволіла паскорыць будаўніцтва Мінскага метрапалітэна^[3]. У 1988—1991 гадах быў кансультантам па народанасельніцтве Еўрапейскай эканамічнай камісіі ААН^[2]. У 1990-х гадах кіраваў распрацоўкай шэрагу дэмаграфічных праграм^[3]. Падрыхтаваў 11 кандыдатаў навук^[3].

Сярод апублікаваных прац:

• Население БССР. — Мн., 1969.
• Белоруссия в демографическом измерении. — Мн., 1974.
• Методологические проблемы согласования планов экономического и социального развития и программ развития народонаселения. — Йошкар-Ола, 1987.
• Демографические основы народохозяйственного планирования. — Мн., 1990.
• Демографические проблемы социума: состояние и тенденции развития в Республике Беларусь. — Мн., 2005 (у сааўтарстве).

Зноскі

1. National Library of Israel Names and Subjects Authority File Праверана 2 студзеня 2025.

   <a href='https://wikidata.org/wiki/Track:Q106509962'></a>
2. БелЭн 2001.
3. Раков Андрей Андреевич // Партал ЭКОНОМИКА.BY (руск.)
4. З 1981 года аддзел насельніцтва і працоўных рэсурсаў увайшоў у склад Інстытута эканомікі Акадэміі навук БССР, у 1990 годзе — у склад Інстытута сацыялогіі, а ў 2004 годзе пераўтвораны ў Цэнтр дэмаграфіі і чалавечага развіцця Інстытута эканомікі Нацыянальнай акадэміі навук Беларусі