Аркадзь Іосіфавіч Савініч

Аркадзь Іосіфавіч Савініч (1866 — ?) — грамадзянскі інжынер, архітэктар^[1].

Аркадзь Іосіфавіч Савініч
Дата нараджэння	1866
Дата смерці	не раней за 1908
Альма-матар	Віленскае рэальнае вучылішча Санкт-Пецярбургскі дзяржаўны архітэктурна-будаўнічы ўніверсітэт (1890)
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Савініч.

Біяграфія

Дзяцінства і адукацыя

Нарадзіўся ў 1866 годзе^[1].

Першапачатковую адукацыю атрымаў у Вялікалуцкім і Віленскім рэальных вучылішчах^[1]. Паступіў у Пецярбургскі інстытут грамадзянскіх інжынераў у 1885 годзе і скончыў курс у 1890 годзе па першым разрадзе^[1].

Прафесійная дзейнасць

Яшчэ ў час канікул 1887 і 1888 гадоў А. Савініч быў на практычных занятках па службе шляху і будынкаў Лібава-Роменскай чыгункі, а ў 1889 годзе — пры работах па ўнутранай аддзелцы храма Святога Уладзіміра  (руск.) ў Херсанесе Таўрычаскім^[1].

Пасля заканчэння навучання ў Інстытуце, А. Савініч быў памочнікам галоўнага архітэктара, акадэміка М. Чагіна, пры працах па ўнутранай аддзелцы, а таксама пры пабудове новай царквы  (руск.) ў маёнтку А. Г. Кузняцова «Фарос» ля Байдарскіх варот  (руск.)^[1]. У 1890 годзе А. Савініч прылічаны да Тэхнічна-будаўнічага камітэту  (руск.), а ў 1891 годзе — да канцылярыі обер-пракурора  (руск.) Святога Сінода. З 1892 года Савініч займае пасаду малодшага інжынера будаўнічага аддзялення арэнбургскага губернскага праўлення^[1].

Не пазней 1908 года стаў гродзенскім губернскім інжынерам  (руск.)^[2].

Зноскі

1. Барановский Г. В. Юбилейный сборник сведений о деятельности бывших воспитанников Института гражданских инженеров (Строительного училища) 1842—1892. С. 296
2. Памятная книжка по Гродненской губернии на 1908 год. Стр. 7