Арэх

Арэх^[1] (Juglans) — род лістападных дрэў сямейства арэхавых.

Арэх
Грэцкі арэх (Juglans regia)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Букакветныя Сямейства:  Арэхавыя Род:  Арэх
Міжнародная навуковая назва
Juglans L.
Віды
Гл. тэкст
Сістэматыка на Віківідах Выявы на Вікісховішчы ITIS   19248 NCBI   16718 EOL   487229 GRIN   t:6222 IPNI   20564 TPL   ??? FW   55942

Батанічнае апісанне

Дрэвы вышынёй да 30 м, з густой, разгалістай кронай і светла-шэрай, бурай або амаль чорнай карой. Лісце вялікае, няпарнаперыстае. Кветкі раздзельнаполыя: мужчынскія ў доўгіх звіслых каташках, жаночыя адзіночныя або па некалькі ў гронках. Плод — сухая касцянка (арэх).

Арэал

Радзіма — Еўропа, Паўднёва-Усходняя Азія, Паўночная Амерыка.

На Беларусі інтрадукавана 10 відаў і форм. Найбольш вядомыя: грэцкі арэх (Juglans regia), арэх маньчжурскі (Juglans mandshurica), сэрцападобны ці Зібальда (Juglans ailantifolia), чорны (Juglans nigra), шэры (Juglans cinerea), скальны (Juglans microcarpa). Цвітуць у красавіку-чэрвені, рэгулярана пладаносяць. Добра пераносяць гарадскія ўмовы.

Значэнне

Каштоўныя пладовыя, тэхнічныя і дэкаратыўныя дрэвы.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 69. — 160 с. — 2 350 экз.