Будынак былой школы для дзяцей работнікаў папяровай фабрыкі (Добруш)

Будынак былой школы для дзяцей работнікаў папяровай фабрыкі — будынак былой школы для дзяцей работнікаў папяровай фабрыкі ў горадзе Добруш. Знаходзіцца на вуліцы Ф. І. Паскевіча, дом № 1.

Славутасць
Будынак былой школы для дзяцей работнікаў папяровай фабрыкі
Будынак былой школы
52°25′10″ пн. ш. 31°18′55″ у. д.HGЯO
Краіна	Беларусь
Месцазнаходжанне	Добруш

Апісанне

Будынак пабудаваны ў пачатку ХХ стагоддзя як школа для дзяцей працаўнікоў папяровай фабрыкі князёў Паскевічаў, на сродкі княгіні Ірыны Іванаўны Паскевіч. З 2002 года выкарыстоўваецца як Добрушскі раённы краязнаўчы музей.

Будынак аднапавярховы, прамавугольны ў плане, з двума ўваходамі. Цэнтральная частка будынка вылучана неглыбокімі руставымі рызалітамі. Па гарызанталі сцены падзелены карнізамі на ярусы. Прамавугольныя аконныя праёмы упрыгожаны ліштвамі з замкавым каменем. Будынак былой школы — прыклад грамадзянскай архітэктуры з выкарыстаннем элементаў неакласіцызму і псеўдарускага стыляў^[1].

Гл. таксама

• Будынкі папяровай фабрыкі

Зноскі

1. http://dobrush.gov.by/ru/ist-kult/ Архівавана 16 лістапада 2019. Звесткі аб гісторыка-культурных каштоўнасцях