Вадзяны млын (Каменнае Крывое)

Вадзяны млын — колішні прамысловы будынак у вёсцы Каменнае Крывое Талачынскага раёна Віцебскай вобласці. Знаходзіцца на рацэ Крывой, каля аўтамабільнай дарогі Талачын — Круглае.

Славутасць
Вадзяны млын
54°20′02″ пн. ш. 29°47′10″ у. д.HGЯO
Краіна	Беларусь
Вёска	Каменнае Крывое
Тып будынка	вадзяны млын
Дата пабудовы	ХІХ стагоддзе
Статус	Гісторыка-культурная каштоўнасць Беларусі, шыфр 213Г000885шыфр 213Г000885
Стан	руіны
Медыяфайлы на Вікісховішчы

Гісторыя

Вадзяны млын, 2018 год.

Вадзяны млын, 2015 год.

Узведзены з чырвонай цэглы ў другой палове ХІХ — пачатку XX стагоддзя. Млын належаў памешчыкам Гардзялкоўскім і функцыянаваў да пачатку Другой сусветнай вайны.

У 1990-х гадах будынак быў набыты і абсталяваны пад прыдарожную кавярню. Але неўзабаве ён згарэў, і аднаўляць яго ніхто не стаў^[1].

Пастановай Савета Міністраў Рэспублікі Беларусь № 1288 ад 3 верасня 2008 года вадзяному млыну быў нададзены статус гісторыка-культурнай каштоўнасці рэгіянальнага значэння.

Архітэктура

Трохпавярховы прамавугольны ў плане будынак з двухсхільным дахам, да якога прымыкала аднапавярховае працоўнае памяшканне.

Масіўныя сцены прарэзаны невялікімі прамавугольнымі вокнамі. На першым паверсе знаходзілася турбіна, на другім — жорны, на трэцім — гаспадарчыя памяшканні^[2].

Зноскі

1. Сяргей Кавалеўскі. Млын на рацэ Крывой. Чым знакамітыя мясціны недалёка ад Друцка, дзе настаўнічаў Якуб Колас(недаступная спасылка). // Віцебскія весці, 16 студзеня 2017. (бел.)
2. Млын вадзяны. — Прыдзвінскі край, 30 студзеня 2020. (бел.)