Васільеўка (Буда-Кашалёўскі раён)

У паняцця ёсць і іншыя значэнні, гл. Васільеўка.

Васі́льеўка^[1] (трансліт.: Vasiĺjeŭka, руск.: Васильевка) — пасёлак у Буда-Кашалёўскім раёне Гомельскай вобласці. Уваходзіць у склад Марозавіцкага сельсавета.

Пасёлак Васільеўка Краіна Беларусь Вобласць Гомельская Раён Буда-Кашалёўскі Сельсавет Марозавіцкі Каардынаты 52°39′54″ пн. ш. 30°27′57″ у. д.HGЯO Першая згадка XX стагоддзе Колькасць двароў 20 Насельніцтва 25 чалавек (2004) Часавы пояс UTC+3 Тэлефонны код +375 2336 Аўтамабільны код 3 СААТА 3205856029 Васільеўка Васільеўка

Геаграфія

Размяшчэнне

У 9 км на паўднёвы захад ад раённага цэнтра і чыгуначнай станцыі Буда-Кашалёўская, 47 км ад Гомеля.

Гідраграфія

На захадзе меліярацыйныя каналы.

Транспартная сетка

Транспартныя сувязі па прасёлкавай, затым аўтамабільнай дарозе Буда-Кашалёва — Гомель.

Планіроўка складаецца з кароткай просталінейнай, амаль мерыдыянальнай вуліцы, забудаванай драўлянымі дамамі сядзібнага тыпу.

Гісторыя

Заснаваны напачатку XX стагоддзя перасяленцамі з суседніх вёсак. У 1930 годзе арганізаваны калгас «Камунар», працавалі гамарня і ваўначоска. У 1959 годзе ў складзе калгаса «Новае жыццё» (цэнтр — вёска Глазаўка).

Да 1 снежня 2009 года пасёлак уваходзіў у склад Глазаўскага сельсавета^[2].

Насельніцтва

Колькасць

• 2004 год — 20 гаспадарак, 25 жыхароў.

Дынаміка

• 1926 год — 31 двор, 182 жыхара.
• 1959 год — 199 жыхароў (паводле перапісу).
• 2004 год — 20 гаспадарак, 25 жыхароў.

Зноскі

1. Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).. Сустракаецца таксама варыянт Васі́ллеўка
2. «Об изменении административно-территориального устройства Буда-Кошелевского района Гомельской области». Решение Гомельского областного Совета депутатов от 1 декабря 2009 г. № 277 Архівавана 29 кастрычніка 2013. (руск.)