Велле (возера)

У паняцця ёсць і іншыя значэнні, гл. Велле.

Велле — возера ў Беларусі, у Полацкім раёне Віцебскай вобласці ў басейне ракі Заходняя Дзвіна, за 16 км у напрамку на паўночны захад ад Полацка, каля гарадскога пасёлка Баравуха.

Велле
Морфаметрыя
Вышыня над узроўнем мора	141,4[1] м
Даўжыня	1,7 км
Шырыня	0,75 км
Плошча	0,9 км²
Даўжыня берагавой лініі	5,25 км
Найбольшая глыбіня	6,5 м
Басейн
Плошча вадазбору	3,75 км²
Размяшчэнне
Краіна	Беларусь
Рэгіён	Віцебская вобласць
Велле
Велле

Плошча паверхні возера 0,9 км². Даўжыня 1,7 км, найбольшая шырыня 0,75 км, даўжыня берагавой лініі 5,25 км. Найбольшая глыбіня возера 6,5 м. Плошча вадазбору 3,75 км².
Катлавіна возера выцягнутая з паўночнага захаду на паўднёвы ўсход. Берагавая лінія звілістая. Берагі нізкія, пясчаныя, усходнія і паўднёвыя забалочаныя.

У возеры водзяцца шчупак звычайны, лешч, акунь, плотка, карась, гусцяра, краснапёрка і іншыя рыбы.

Зноскі

1. Ліст карты N-35-22. Выданне 1987 г. Стан мясцовасці на 1986 г. (руск.)