Галіна Ганчарэнка

У Вікіпедыі ёсць артыкулы пра іншых людзей з прозвішчам Ганчарэнка.

У Вікіпедыі ёсць артыкулы пра іншых людзей з прозвішчам Грыбава.

У Вікіпедыі ёсць артыкулы пра іншых людзей з прозвішчам Руднік.

Галіна Мацвееўна Ганчарэнка (матчына) або Грыбава (бацькава), таксама Руднік (1931, Бабруйск — 13 верасня 2017, Мюнхен^[1]) — беларуская грамадская і культурная дзяячка, журналістка, перакладчыца.

Галіна Ганчарэнка
Род дзейнасці	грамадская дзяячка, дзеяч культуры, журналістка, перакладчыца, пісьменніца, публіцыстка
Дата нараджэння	1931
Месца нараджэння	Бабруйск, Бабруйскі раён, Беларуская ССР, СССР
Дата смерці	13 верасня 2017(2017-09-13)
Месца смерці	Мюнхен, Верхняя Баварыя, Баварыя, Германія
Месца працы	Радыё Свабодная Еўропа/Радыё Свабода
Альма-матар	Беларуская гімназія імя Янкі Купалы Нью-Ёркскі ўніверсітэт

Біяграфія

Бацька Мацвей Яфімавіч Грыбаў, начальнік штабу 78-й стралковай дывізіі, арыштаваны ў 1937 годзе, у 1939 годзе прыгавораны да вышэйшай меры пакаранне, замененай на 15 ППЛ, памёр у лагеры ў 1946 годзе^[2]. Маці ў 1938 годзе выслана ў Сібір.

У 1944 годзе Галіна выехала на эміграцыю разам са сваёй апякункай, вядомай спявачкай Барбарай Вержбаловіч. Вучылася ў Беларускай гімназіі імя Я. Купалы. У 1950 годзе пераехала ў ЗША.

У 1954 годзе скончыла факультэт раманскіх моў Нью-Ёркскага ўніверсітэта. Кіравала свецкім і царкоўным хорамі, працавала ў Арганізацыі беларускай моладзі. Была перакладчыцай у ААН. Пераехала на нейкі час у Мюнхен, працавала на радыё «Вызваленне» (Свабода).

У 2011 годзе выйшла кніга ўспамінаў «Птушкі пералётныя».^[3]