Гарадзішча (Магілёўскі раён)

У паняцця ёсць і іншыя значэнні, гл. Гарадзішча, значэнні.

Гарадзі́шча^[1] (трансліт.: Haradzišča, руск.: Городище) — вёска ў Магілёўскім раёне Магілёўскай вобласці. Уваходзіць у склад Семукацкага сельсавета.

Вёска Гарадзішча Краіна Беларусь Вобласць Магілёўская Раён Магілёўскі Сельсавет Семукацкі Каардынаты 53°44′04″ пн. ш. 29°48′02″ у. д.HGЯO Насельніцтва ▼158 чал. (2009) Часавы пояс UTC+3 Тэлефонны код +375 222 Паштовыя індэксы 213153 Аўтамабільны код 6 СААТА 7244848031 Гарадзішча Гарадзішча

Гісторыя

У 1868 годзе на зямлі, падоранай памешчыкам Сіпайла, заснавана 1-класнае народнае вучылішча (па стане на 1894 год у вучылішчы вучыліся 24 хлопчыкі і 1 дзяўчынка).

25 сакавіка 1918 года згодна з Трэцяй Устаўной граматай вёска абвяшчалася часткай Беларускай Народнай Рэспублікі. 1 студзеня 1919 года згодна з пастановай I з’езда КП(б) Беларусі ўвайшла ў склад Беларускай ССР, аднак 16 студзеня Масква адабрала яе разам з іншымі этнічна беларускімі тэрыторыямі ў склад РСФСР. У сакавіку 1924 года вёску вярнулі БССР, з 17 ліпеня 1924 года ў складзе Магілёўскага раёна Магілёўскай акругі (да 26 ліпеня 1930 года), з 20 лютага 1938 года ў Магілёўскай вобласці. У 1924—1954 гадах цэнтр сельсавета.

У Вялікую Айчынную вайну з ліпеня 1941 года да 27 чэрвеня 1944 года акупіравана нямецкімі войскамі. У вёсцы базіраваўся нямецкі апорны пункт, які быў разгромлены 113-м партызанскім атрадам^[2].