Гарыдавічы

Гары́давічы^[1] (трансліт.: Harydavičy, руск.: Горидовичи) — вёска ў Вілейскім раёне Мінскай вобласці. Уваходзіць у склад Куранецкага сельсавета. Знаходзіцца за 11 км на поўнач ад горада Вілейка, 1 км ад чыг. ст. Куранец, 114 км ад Мінска.

Вёска Гарыдавічы Краіна Беларусь Вобласць Мінская Раён Вілейскі Сельсавет Куранецкі Каардынаты 54°34′44″ пн. ш. 26°56′00″ у. д.HGЯO Насельніцтва ▼3 чал. (2009) Часавы пояс UTC+3 Тэлефонны код +375 1771 Паштовыя індэксы 222445 Аўтамабільны код 5 Гарыдавічы Гарыдавічы Гарыдавічы

Гісторыя

У 1750 г. вёска ў Ашмянскім павеце ВКЛ, шляхецкая ўласнасць, 7 двароў.

Пасля 2-га падзелу Рэчы Паспалітай (1793) у Рас. імперыі. У 1800 г. ў Вілейскім павеце Мінскай губерні, уласнасць Д. Радзівіла, б двароў, 27 жыхароў. У 1897 г. ў Куранецкай воласці Вілейскага павета Віленскай губерні. У 1905 г. 67 дзесяцін зямлі.

З 1921 года вёска ў складзе Польскай Рэспублікі, належала да Віленскага ваяводства, Вілейскага павета, гміны Куранец^[2].

З лістапада 1939 года ў БССР. З 15 студзеня 1940 года ў Куранецкім раёне Вілейскай вобласці. З 25 чэрвеня 1941 г. да 3 ліпеня 1944 г. акупіравана нацыстамі. На франтах і ў партызанскай барацьбе загінулі 10 землякоў. З 20 верасня 1944 года ў Куранецкім, з 5 ліпеня 1946 года ў Вілейскім раёнах Маладзечанскай вобласці. 20 студзеня 1960 года ў Мінскай вобласці. Землі знаходзіліся ў складзе саўгаса «Вілейскі».

Насельніцтва

• 1897 год — 61 жыхар, 9 двароў.
• 1921 год — 63 жыхары, 11 двароў^[3].
• 1931 год — 62 жыхары, 9 двароў^[4].
• 1960 год — 46 жыхароў.
• 1988 год — 7 жыхароў, 4 двары.
• 2008 год — 3 жыхары, 3 двары.