Гарычкавачка

Гары́чкавачка^[1] (Gentianella) — род кветкавых раслін сямейства Гарычкавыя (Gentianaceae).

Гарычкавачка
Gentianella germanica
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гарычкакветныя Сямейства:  Гарычкавыя Трыба:  Gentianeae Падтрыба:  Swertiinae Род:  Гарычкавачка
Міжнародная навуковая назва
Gentianella Moench, 1794
Сістэматыка на Віківідах Выявы на Вікісховішчы ITIS   30057 NCBI   49959 EOL   44931 IPNI   16571-1

Батанічнае апісанне

Аднагадовыя і двухгадовыя травяністыя расліны з голымі, прамымі, пустацелымі сцёбламі. Лісце суцэльнае, лінейнае або шырокаэліптычнае, супраціўнае, сядзячае. Ніжняе лісце ў разетцы. Кветкі ў гронкападобных ці мяцёлкападобных суквеццях, зрэдку — адзіночныя. Колер кветак блакітны або сіняваты, зрэдку жаўтавата-белы, светла-жоўты. Плод — сухі арэшак.

Распаўсюджанне

Расліны роду распаўсюджаны ў нетрапічных раёнах Зямнога шара. На тэрыторыі Беларусі сустракаюцца:

• Gentianella amarella (L.) BOERN. S. L. — Гарычкавачка гаркаватая^[2][3]
• Gentianella cruciata L. — Гарычкавачка крыжападобная^[3][4]

Расліны святлолюбівыя. Растуць на лугах, лясных палянах, у поймах і па берагах вадаёмаў.

Віды

Род налічвае больш за 120^[1] (295^[5]) відаў.

Гаспадарчае значэнне

Лекавыя (выкарыстоўваюцца ў медыцыне і ветэрынарыі), фарбавальныя, меданосныя і дэкаратыўныя расліны^[1].

Зноскі

1. Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5.
2. Чырвоная кніга Рэспублікі Беларусь Архівавана 13 верасня 2018.
3. Постановление Министерства природных ресурсов и охраны окружающей среды Республики беларусь 9 июня 2014 г. № 26 Об установлении списков редких и находящихся под угрозой исчезновения на территории Республики Беларусь видов диких животных и дикорастущих растений, включаемых в Красную книгу Республики Беларусь (руск.)
4. Чырвоная кніга Рэспублікі Беларусь Архівавана 18 лютага 2018.
5. Gentianella // The Plant List (англ.)