Геранім Кастравіцкі

Геранім Кастравіцкі (польск.: Hieronim Kostrowicki; ? — 1845) — дзяржаўны службовец, землеўласнік.

Геранім Кастравіцкі
Смерць	мерк. 1845
Месца пахавання	Касцёл Святых Космы і Даміяна, Астравец
Бацька	Казімір Кастравіцкі[d]
Жонка	Юлія са Швыкоўскіх[d]
Дзеці	Казіміра з Кастравіцкіх[d]

Біяграфія

Паходзіў са шляхецкага роду Кастравіцкіх герба «Байбуза». Сын Казіміра Кастравіцкага, брат Рамуальда, лідскага маршалка.

Віцэ-маршалак шляхты Слонімскага павета ў 1834 годзе^[1]. Уладальнік набытага ў 1826 годзе ад Швыкоўскіх маёнтка Астравец з мястэчкам Астравец, вёскамі Кавалі, Ліпнішкі, Пламняны^[2].

Магіла Гераніма і Юліі са Швыкоўскіх

Памёр у 1845 годзе. Пахаваны разам з жонкай на цвінтары астравецкага касцёла. Помнік захаваўся. Побач пахаваная дачка Казіміра.

Cям’я

Магіла дачкі Казіміры

У шлюбе з Юліяй са Швыкоўскіх меў дачку Казіміру (1830—1852), якая атрымала ў спадчыну маёнтак Астравец^[2]. Казіміра была ў шлюбе з Аляксандрам Брахоцкім.

Зноскі

1. Спіс дваран Віленскай губерні, якія прыбылі на дваранскія выбары ў г. Вільня 1834 года
2. Czesław Malewski. Rodziny szlacheckie na Litwie w XIX wieku. Powiaty lidzki, oszmiański i wileński. — Warszawa: Instytut Historii PAN, 2016. — P. 591. — ISBN 978-83-63352-75-2.