Дзмітрый Фёдаравіч Вайстроў

Дзмітрый Фёдаравіч Вайстроў (7 лістапада 1906, в. Добрая, Горацкі раён — 2001) — адзін з кіраўнікоў партызанскага руху на тэрыторыі Магілёўскай вобласці ў гады Вялікай Айчыннай вайны^[1].

Дзмітрый Фёдаравіч Вайстроў
Дата нараджэння	7 лістапада 1906(1906-11-07)
Месца нараджэння	Добрая, Горацкі павет, Магілёўская губерня, Расійская імперыя
Дата смерці	2001
Грамадзянства	СССР
Род войскаў	партызаны
Гады службы	1941-44
Камандаваў	групай партызанскіх атрадаў
Бітвы/войны	Вялікая Айчынная вайна
Узнагароды і званні

Біяграфія

З сялян. Працоўны шлях пачаў у 1923 у в. Добрая лесарубам Смаленскага лесанарыхтоўчага трэста. З 1927 загадчык райпалітасветы Горацкага райвыканкама, у 1930—1932 старшыня Рэкценскага сельсавета^[2].

У пачатку Вялікай Айчыннай вайны пакінуты ў тыле ворага. У партызанах з кастрычніка 1941 — стварыў партызанскую групу, на чале якой дзейнічаў у Горацкім і Дубровенскім раёнах^[2]. З лютага 1942 года камандзір групы, атрада, в. а. камандзіра брыгады, камандзір групы атрадаў, са жніўня 1943 года член Мсціслаўскага падпольнага РК КП(б)Б, у студзені-чэрвені 1944 камісар 61-й партызанскай брыгады^[1].

З кастрычніка 1944 па 1957 год на партыйнай рабоце ў Жлобінскім і Стрэшынскім раёнах^[1][2].

Напісаў кнігу ўспамінаў «В горецком редколесье» (1986)^[2].

Узнагароды

Узнагароджаны ордэнам Леніна, медалямі. Ганаровай граматай Вярхоўнага Савета БССР (1978)^[2].

Зноскі

1. Войстров Дмитрий Фёдорович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 119. — 737 с.
2. Вайстроў Дзмітрый Фёдаравіч (1906—2001)(недаступная спасылка)