Дуброўскі сельсавет (Рэчыцкі раён)

Дубро́ўскі сельсавет — былая адміністрацыйна-тэрытарыяльная адзінка ў складзе Рэчыцкага раёна Гомельскай вобласці. Цэнтр — вёска Дуброва.

Дуброўскі сельсавет
Краіна	Беларусь
Уваходзіць у	Рэчыцкі раён
Уключае	8 населеных пунктаў
Адміністрацыйны цэнтр	Дуброва
Дата ўтварэння	8 снежня 1926, 1930
Дата скасавання	30 снежня 1927, 26 верасня 2006
Насельніцтва	1 137 чал. (1999)

У паняцця ёсць і іншыя значэнні, гл. Дуброўскі сельсавет.

Пасля другога ўзбуйнення БССР з 8 снежня 1926 года сельсавет у складзе Горвальскага раёна Рэчыцкай акругі БССР. З 9 чэрвеня 1927 года ў складзе Гомельскай акругі. З 4 жніўня 1927 года ў складзе Рэчыцкага раёна. 30 снежня 1927 года сельсавет скасаваны.

Сельсавет адноўлены ў 1930 годзе ў складзе Рэчыцкага раёна БССР. З 20 лютага 1938 года ў складзе Васілевіцкага раёна Палескай вобласці, з 8 студзеня 1954 года — Гомельскай вобласці. 16 ліпеня 1954 года да сельсавета далучана тэрыторыя скасаванага Узнажскага сельсавета^[1]. З 16 верасня 1959 года ў складзе Рэчыцкага раёна. 1 ліпеня 1965 года ў склад Камсамольскага сельсавета перададзены вёскі Узнаж і Шоўкавічы^[2]. 26 верасня 2006 года цэнтр сельсавета перанесены ў вёску Заходы, сельсавет перайменаваны ў Заходаўскі^[3].

Зноскі

1. Указ Президиума Верховного Совета БССР от 16 июля 1954 г. Об объединении сельских советов Гомельской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
2. Рашэнне выканкома Гомельскага абласнога Савета дэпутатаў працоўных ад 1 ліпеня 1965 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1965, № 25 (11005).
3. Решение Гомельского областного Совета депутатов от 26 сентября 2006 г. № 295 Об изменении административно-территориального устройства районов Гомельской области Архівавана 22 верасня 2019.