Кандрат Іванавіч Грум-Гржымайла

Кандрат Іванавіч Грум-Гржымайла (1794, Магілёў — 1874, Санкт-Пецярбург) — расійскі хірург і курортолаг.

Кандрат Іванавіч Грум-Гржымайла
Дата нараджэння	21 верасня (2 кастрычніка) 1794
Месца нараджэння	Магілёў, Магілёўская губерня, Расійская імперыя
Дата смерці	14 (26) верасня 1874 (79 гадоў)
Месца смерці	Царскае Сяло, Царскасельскі павет, Санкт-Пецярбургская губерня, Расійская імперыя або Санкт-Пецярбург, Расійская імперыя
Грамадзянства	Расійская імперыя
Род дзейнасці	урач, хірург, папулярызатар навукі
Навуковае званне	доктар медыцыны[d]
Альма-матар	Магілёўская мужчынская гімназія медыцынскі факультэт Віленскага ўніверсітэта[d]

У Вікіпедыі ёсць артыкулы пра іншых людзей з прозвішчам Грум.

У Вікіпедыі ёсць артыкулы пра іншых людзей з прозвішчам Гржымайла.

Біяграфія

Скончыў у 1815 годзе Магілёўскую гімназію, у 1821 годзе медыцынскі факультэт Віленскага ўніверсітэта. Доктар медыцыны (1823). У 1821—1831 гадах служыў хірургам пры штабе 1-й арміі ў Магілёве. З 1831 года жыў і працаваў у Пецярбургу. У 1833—1868 гадах выдаваў газету «Друг здравия».

Навуковая дзейнасць

У 1823 годзе правёў першую ў Расійскай імперыі аперацыю высокага сячэння мачавога пузыра, выкарыстаў арыгінальныя методыкі хірургічнага лячэння пахавай грыжы^[1].

Папулярызатар медыцынскіх ведаў. Першае навуковае даследаванне апублікаваў у 1829 годзе, якое сярод іншага змяшчала кароткі гісторыка-эканамічны нарыс Магілёва. Аўтар шэрагу кніг па медыцыне, у т. л. 3-томнай працы «Руководство к воспитанию, образо­ванию и сохранению здоровья детей» (1843−1845), а таксама першай расійскай працы па рэкрэацыйнай геаграфіі Расійскай імперыі (1865), якая змяшчала і даведкі пра вядомыя замежныя курорты. Даследаваў магчымасці выкарыстання рэкрэацыйных рэсурсаў Расійскай імперыі.

Зноскі

1. Е. М. Тищенко. Хирургия в медицине Беларуси XIX - начала XX века (руск.)