Караль Францішкавіч Чапскі

Караль Юзаф Патрыцы Ігнацы Клеменс Геранім Гутэн-Ча́пскі (1778 — 1836) — мінскі павятовы маршалак (1808—1811)^[1].

Караль Францішкавіч Чапскі
Юзаф Анджэй Хінц. Партрэт Юзафа Караля Чапскага. 1835
Ляліва
маршалак шляхты Мінскага павета з 1808
Папярэднік	Юзаф Ваньковіч
Пераемнік	Апалінарый Ваньковіч
Нараджэнне	15 жніўня 1778(1778-08-15) Мінскі павет, Мінская губерня, Расійская імперыя
Смерць	1836 Палац у Дунілавічах[d], Вілейскі павет, Мінская губерня, Расійская імперыя
Месца пахавання	Станькава
Род	Чапскія
Бацька	Францішак Станіслаў Гутэн-Чапскі
Маці	Вераніка з Радзівілаў[d]
Жонка	Фабіяна з Абуховічаў[d]
Дзеці	Эмерык Чапскі і Адам Гутэн-Чапскі[d]
Член у	Дасканалая еднасць[d] Шчаслівае вызваленне
Адукацыя	Віленскі піярскі калегіум[d]
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Чапскі.

Біяграфія

З роду Чапскіх, сын Францішка Станіслава.

Вучыўся ў Віленскім піярскім калегіуме, пасля ў Варшаве.

Шамбялян (камергер) караля Станіслава Аўгуста Панятоўскага. Ганаровы куратар (папячыцель) школ Слуцкага павета. (1811). У час вайны 1812 пасля адступлення раскіх войск увайшоў у склад створанай у Мінску камісіі часовага кіравання, потым дырэкгар скарбовага аддзела адміністрацыі Мінскага дэпартамента. Пасля разгрому войск Напалеона эмігрыраваў, даставіў у Кракаў касу Часовага ўрада Вялікага княства Літоўскага. Пасля амністыі вярнуўся ў Беларусь. У 1808 і 1810 выбіраўся маршалкам шляхты Мінскага павета. Член масонскай ложы «Шчаслівае вызваленне» ў Нясвіжы, ганаровы член ложы «Дасканалае адзінства» ў Вільні. Член Адукацыйнай камісіі ў Вільні (1820).

Валодаў Станькавам у Мінскім, Жупранамі ў Ашмянскім павеце.

Зноскі

1. Раюк, А.Р. Род Любанскіх у этнагістарычных працэсах у Беларусі ў канцы XVIII — пачатку XX ст. — Мінск, 2023. — С.114.