Касцёл Унебаўзяцця Найсвяцейшай Дзевы Марыі (Краснае)

Касцёл Унебаўзяцця Найсвяцейшай Дзевы Марыі — каталіцкі храм у в. Краснае (Маладзечанскі раён). Помнік архітэктуры неаготыкі. Пабудаваны ў 1912 годзе. У 1988—1990 гадах касцёл рэстаўраваны, дзейнічае.

Славутасць
Касцёл Унебаўзяцця Найсвяцейшай Дзевы Марыі
Касцёл у маі 2018
54°15′14″ пн. ш. 27°04′33″ у. д.HGЯO
Краіна	Беларусь
Вёска	Краснае
Канфесія	Рымска-каталіцкая царква
Епархія	Мінска-Магілёўская архідыяцэзія
Дэканат	Маладзечанскі дэканат
Архітэктурны стыль	неаготыка
Дата пабудовы	1912 год
Медыяфайлы на Вікісховішчы

У паняцця ёсць і іншыя значэнні, гл. Касцёл Унебаўзяцця Найсвяцейшай Дзевы Марыі.

Архітэктура

Інтэр’ер касцёла

Трохнефная аднавежавая базіліка з пяціграннай апсідай і бакавымі сакрысціямі. У цэнтры галоўнага фасаде трох’ярусная чацверыковая званіца, умацаваная кутнімі ступеньчатымі контрфорсамі з пінаклямі і завершаная высокім шпілем. Галоўны ўваход аформлены стральчатым парталам, над якім размешчанае круглае акно-«ружа». Бакавыя фасады рытмічна члянёныя здвоенымі вузкімі стральчатымі вокнамі, нішамі і ступеньчатымі контрфорсамі ў прасценках. Двухсхільны дах над алтарнай часткай з невялікай вежачкай. Перакрыцце ўнутранай прасторы скляпеністае на чатырох слупах.

Літаратура

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].

Спасылкі

• На Вікісховішчы ёсць медыяфайлы па тэме Касцёл Унебаўзяцця Найсвяцейшай Дзевы Марыі (Краснае)
• Касцёл Унебаўзяцця Найсвяцейшай Дзевы Марыі (Краснае) на сайце Catholic.by (бел.)
• Касцёл Унебаўзяцця Найсвяцейшай Дзевы Марыі (Краснае) на сайце Radzima.org
• Касцёл Унебаўзяцця Найсвяцейшай Дзевы Марыі (Краснае) на сайце Глобус Беларусі (руск.)