Клаўдзія Фёдараўна Старыкава

У Вікіпедыі ёсць артыкулы пра іншых людзей з прозвішчам Старыкава.

Клаўдзія Фёдараўна Ста́рыкава^[1] (руск.: Клавдия Фёдоровна Старикова; 26 снежня 1935) — оперная спявачка (лірыка-драматычнае сапрана), заслужаная артыстка БССР (1972).

Клаўдзія Фёдараўна Старыкава
Дата нараджэння	26 снежня 1935(1935-12-26) (89 гадоў)
Месца нараджэння	Сніжнэ, СССР
Краіна	СССР
Альма-матар	Харкаўскі нацыянальны ўніверсітэт мастацтваў імя І. П. Катлярэўскага
Месца працы	Дзяржаўны акадэмічны Вялікі тэатр оперы і балета БССР Луганская абласная філармонія[d] Харкаўская абласная філармонія[d]
Музычная дзейнасць
Прафесіі	оперная спявачка
Пеўчы голас	сапрана
Узнагароды

Біяграфія

Нарадзілася ў горадзе Снежнае (Данецкая вобласць, Украінская ССР). У 1965 годзе скончыла Харкаўскі інстытут мастацтваў. У 1965—1976 гадах салістка Дзяржаўнага тэатра оперы і балета БССР. З 1976 года — салістка Варашылаўградскай і Харкаўскай абласных філармоній^[1].

Творчасць

Творчасці К. Ф. Старыкавай уласцівы шчырасць, эмацыянальнасць, сцэнічная абаяльнасць^[1]. Сярод партый на сцэне Беларускага тэатра оперы і балета

• Тася («Андрэй Касценя» М. Аладава),
• Яраслаўна («Князь Ігар» А. Барадзіна),
• Ліза, Таццяна («Пікавая дама», «Яўген Анегін» П. І. Чайкоўскага),
• Наташа («Русалка» А. Даргамыжскага),
• Аіда, Леанора, Дэздэмона («Аіда», «Трубадур», «Атэла» Дж. Вердзі),
• Тоска, мадам Батэрфляй (Чыа-Чыа-сан) («Тоска», «Мадам Батэрфляй» Дж. Пучыні).

Узнагароды

• Заслужаная артыстка Беларускай ССР (1972)
• Лаўрэат міжнароднага конкурсу вакалістаў рэспублік Прыбалтыкі і Беларусі (1968)^[1][2].

Зноскі

1. БелЭн 2002.
2. 26 декабря: этот день в истории (руск.) (бел.) // Сайт Адміністрацыі Кастрычніцкага раёна горада Магілёва