Крынічны сельсавет

Крыні́чны сельсавет — адміністрацыйна-тэрытарыяльная адзінка ў складзе Мазырскага раёна Гомельскай вобласці. Цэнтр — аграгарадок (да 2018 г. пасёлак^[1]) Крынічны.

Крынічны сельсавет
Краіна	Беларусь
Уваходзіць у	Мазырскі раён
Уключае	10 населеных пунктаў
Адміністрацыйны цэнтр	Крынічны
Дата ўтварэння	20 жніўня 1924
Насельніцтва (2019)	2 906
Часавы пояс	UTC+03:00
Тэлефонны код	+375 236
Паштовыя індэксы	247781
Код аўтам. нумароў	3
Афіцыйны сайт

Гісторыя

Утвораны 20 жніўня 1924 года як Бібікаўскі сельсавет у складзе Мазырскага раёна Мазырскай акругі БССР. Цэнтр — вёска Бібікі. З 5 кастрычніка 1926 года ў складзе Слабадскога раёна, з 4 жніўня 1927 года — у складзе Нараўлянскага раёна той жа акругі. Пасля скасавання акруговай сістэмы 26 ліпеня 1930 года ў Нараўлянскім раёне БССР. З 5 красавіка 1935 года ў складзе Мазырскага раёна, з 21 чэрвеня 1935 года — Мазырскай акругі. 23 жніўня 1937 года да сельсавета далучана частка скасаванага Тварычаўскага нацыянальнага польскага сельсавета. З 20 лютага 1938 года ў складзе Палескай вобласці. У Другую сусветную вайну з жніўня 1941 года да студзеня 1944 года тэрыторыя сельсавета знаходзілася пад нямецкай акупацыяй. З 8 студзеня 1954 года ў складзе Гомельскай вобласці. У 1975 годзе на тэрыторыі сельсавета ўтвораны пасёлак Крынічны^[2]. У 1976 годзе ў склад сельсавета з Міхалкаўскага сельсавета перададзена вёска Стрэльск^[3]. 11 чэрвеня 1980 года цэнтр сельсавета перанесены ў пасёлак Крынічны, сельсавет перайменаваны ў Крынічны^[4].

Склад

У склад сельсавета ўваходзіць 10 населеных пунктаў:

Населены пункт	Статус	Насельніцтва, 2004	Гаспадаркі, 2004	Насельніцтва, 2009[5]	Насельніцтва, 2018
Акулінка	вёска	83	62	62	45
Бібікі	вёска	211	117	209	192
Гурыны	вёска	236	129	190	196
Крынічны	аграгарадок	1560	519	1858	2219
Лубня	вёска	32	22	23	14
Матрункі	вёска	79	46	86	107
Молажава	хутар	6	2	4	4
Пянькі	вёска	8	6	7	3
Стрэльск	вёска	45	31	48	32
Тварычаўка	вёска	303	103	335	302

Насельніцтва

Насельніцтва сельсавета паводле перапісу 2009 года — 2822 чалавекі^[5], з іх 90,0 % — беларусы, 5,4 % — рускія, 2,8 % — украінцы, 0,7 % — цыганы^[6]; паводле перапісу 2019 года — 2906 чалавек^[7].

Зноскі

1. Решение Мозырского районного Совета депутатов от 13 февраля 2018 г. № 180 Об отнесении некоторых сельских населенных пунктов Мозырского района к агрогородкам Архівавана 19 верасня 2020.
2. Указ Прэзідыума Вярхоўнага Савета Беларускай ССР № 124—IX ад 2 кастрычніка 1975 г. Аб найменаванні населенага пункта, які ўзнік на тэрыторыі Бібікаўскага сельсавета Мазырскага раёна Гомельскай вобласці // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1975, № 28 (1474).
3. Рашэнні выканкома Гомельскага абласнога Савета дэпутатаў працоўных ад 20 жніўня, 1 і 15 кастрычніка 1976 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1976, № 36 (1518).
4. Рашэнне выканкома Гомельскага абласнога Савета народных дэпутатаў ад 11 чэрвеня 1980 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1980, № 20 (1646).
5. Колькасць насельніцтва населеных пунктаў Гомельскай вобласці Беларусі паводле перапісу 2009 года
6. Этнічны склад насельніцтва сельсаветаў Беларусі паводле перапісу 2009 года
7. Колькасць насельніцтва населеных пунктаў Гомельскай вобласці Беларусі паводле перапісу 2019 года