Леанід Мікалаевіч Вазнячук

Леанід Мікалаевіч Вазнячу́к^[1] (5 жніўня 1929 — 1 лютага 1981) — вучоны ў галіне геалогіі, кандыдат геолага-мінералагічных навук (1963). Лаўрэат Дзяржаўнай прэміі БССР^[2] (1986, пасмяротна)^[3].

Леанід Мікалаевіч Вазнячук
Дата нараджэння	5 жніўня 1929(1929-08-05)
Месца нараджэння	Менск, Менская акруга, Беларуская ССР, СССР
Дата смерці	1 лютага 1981(1981-02-01) (51 год)
Грамадзянства	СССР
Род дзейнасці	навуковец
Навуковая сфера	геалогія
Месца працы	Мінскі дзяржаўны педагагічны інстытут імя Максіма Горкага БДУ Інстытут геалагічных навук НАН Беларусі
Навуковая ступень	кандыдат геолага-мінералагічных навук
Альма-матар	БДУ (1950)
Прэміі

Біяграфія

Нарадзіўся ў Мінску. У 1950 годзе скончыў Беларускі дзяржаўны ўніверсітэт. У 1953—1956 гг. працаваў у Мінскім педагагічным інстытуце^[4]. У 1963 годзе абараніў кандыдацкую дысертацыю. У 1964—1969 гг. выкладаў у Беларускім дзяржаўным універсітэце^[4]. З 1969 г. працаваў у Інстытуце геахіміі і геафізікі Акадэміі навук БССР.

Навуковая дзейнасць

Л. М. Вазнячуку належаць навуковыя працы ў галіне стратыграфіі, палеагеаграфіі, геамарфалогіі і палепатамалогіі антрапагену. Склаў стратыграфічную схему антрапагеннай сістэмы тэрыторыі Беларусі (1981). Супрацоўнічаў з археолагам У. Д. Будзько.

Зноскі

1. Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3.
2. Лауреаты государственных премий // Сайт БДУ Архівавана 21 лістапада 2016. (руск.)
3. 5 августа: этот день в истории (руск.) // Сайт адміністрацыі Кастрычніцкага раёна г. Магілёва
4. Чубур А. А. Очарованный древностью. Константин Михайлович Поликарпович: жизнь, открытия, ученики // Портал «Археология России», 2005 Архівавана 14 мая 2019. (руск.)