Леанід Сяргеевіч Маісееў

Леанід Сяргеевіч Маісееў (23 красавіка 1950, в. Міхайлавічы Горацкага раёна Магілёўскай вобласці — 9 мая 2019, Магілёў) — беларускі гаспадарчы дзеяч. Заслужаны работнік сельскай гаспадаркі Рэспублікі Беларусь.

Леанід Сяргеевіч Маісееў
Нараджэнне	23 красавіка 1950(1950-04-23) Міхайлавічы, Маслакоўскі сельсавет, Горацкі раён, Магілёўская вобласць, Беларуская ССР, СССР
Смерць	9 мая 2019(2019-05-09) (69 гадоў) Магілёў, Магілёўская вобласць, Беларусь
Адукацыя	Віцебская дзяржаўная акадэмія ветэрынарнай медыцыны
Узнагароды	ганаровая грамата Нацыянальнага сходу Рэспублікі Беларусь (2010)

У Вікіпедыі ёсць артыкулы пра іншых людзей з прозвішчам Маісееў.

Біяграфія

Скончыў Віцебскі ветэрынарны інстытут, заатэхнік. Пасля службы ў радах Савецкай Арміі працаваў брыгадзірам будаўнічай брыгады, галоўным заатэхнікам калгаса «Перамога», дырэктарам саўгаса «Барок», старшынёй калгаса «Зара», дырэктарам закрытага акцыянернага таварыства «Зара», старшынёй калгаса «Зара» Магілёўскага раёна. Генеральны дырэктар закрытага акцыянернага таварыства «Агракамбінат „Зара“ Магілёўскага раёна».

Выбіраўся членам Савета Рэспублікі Нацыянальнага сходу Рэспублікі Беларусь 3-га і 4-га скліканняў^[1].

Узнагароды

Узнагароджаны ордэнамі «Знак Пашаны», Айчыны III, II і I ступені, юбілейным медалём «90 год Узброеных Сіл Рэспублікі Беларусь», Ганаровай граматай Нацыянальнага сходу Рэспублікі Беларусь^[2].

Зноскі

1. Моисеев Леонид Сергеевич Архівавана 26 верасня 2020.
2. ПАРЛАМЕНТ- Нацыянальны сход Рэспублікі Беларусь трэцяга склікання Архівавана 16 верасня 2020.