Людміла Леанідаўна Гладкая

Людміла Леанідаўна Гладкая (руск.: Людмила Леонидовна Гладкая; нар. 30 чэрвеня 1983) — супрацоўніца газеты «СБ. Беларусь сегодня», прапагандыстка рэжыму Аляксандра Лукашэнкі.

Людміла Леанідаўна Гладкая
Род дзейнасці	прапагандыстка, журналістка
Дата нараджэння	30 чэрвеня 1983(1983-06-30)[1] (42 гады)
Грамадзянства	Беларусь
Месца працы	Першы Нацыянальны канал Беларускага радыё Милиция Беларуси[d] На страже СБ. Беларусь сегодня
Член у	Саюз пісьменнікаў Беларусі
Узнагароды і прэміі	Спецыяльная прэмія Прэзідэнта Рэспублікі Беларусь дзеячам культуры і мастацтва (2021) Спецыяльная прэмія Прэзідэнта Рэспублікі Беларусь дзеячам культуры і мастацтва (2022)

Біяграфія

Супрацоўнічала з Першым каналам дзяржаўнага Беларускага радыё, працавала аглядальніцай у часопісе «Милиция Беларуси» і ў газеце «На страже» МУС Беларусі^[2], пісала для выдання «Союзное вече», дадатку да расійскага дзяржаўнага выдання «Российская газета»^[3]. Потым працавала ў аддзеле журналісцкіх расследванняў «СБ. Беларусь сегодня» ў якасці спецыяльнага карэспандэнта.

Набыла вядомасць як адыёзная прапагандыстка аўтарытарнага рэжыму Лукашэнкі пасля сфальсіфікаваных прэзідэнцкіх выбараў 9 жніўня 2020 года^[4].

Асвятляла ў «СБ. Беларусь сегодня» масавыя пратэсты, якія адбываліся пасля выбараў і суправаджаліся беспрэцэдэнтным гвалтам прадстаўнікоў сілавых органаў супраць дэманстрантаў, у тым ліку забойствам некалькіх удзельнікаў пратэстаў. Прыпісвала пратэстам гвалтоўны характар^[5][6]. Займалася дыскрэдытацыяй і абразай пратэстоўцаў, у сваіх публікацыях прымяняючы да іх выразы як «руск.: откровенная мразь» («бел.: шчырая мярзота»)^[7]. Займалася дыскрэдытацыяй беларускіх нацыяльных сімвалаў^[8].

Асвятляла працэсы супраць Сяргея Ціханоўскага^[9] і Віктара Бабарыкі, у тым ліку намагаючыся дыскрэдытаваць Віктара Бабарыку і яго абарону і парушаючы рэгламент судовага пасяджэння^[10].

Гладкая знаходзіцца пад санкцыямі Вялікабрытаніі (снежань 2021), Канады (сакавік 2022)^[11], ЕС (гл. Чорны спіс Еўрасаюза) і Швейцарыі (лета 2022)^[12].

Узнагароды

У снежні 2020 года атрымала прыз у расійска-беларускім конкурсе «Залаты зубр» «За мужнасць у журналістыцы»^[13].

У складзе аўтарскага калектыву ўзнагароджана Спецыяльнай прэміяй Прэзідэнта Рэспублікі Беларусь дзеячам культуры і мастацтва (2022) «за значны ўклад у развіццё беларускай журналістыкі, стварэнне цыкла публікацый па актуальных пытаннях грамадска-палітычнага жыцця краіны»^[14].

Зноскі

1. Library of Congress Authorities — Library of Congress. Праверана 22 мая 2025.

   <a href='https://wikidata.org/wiki/Track:Q13219454'></a><a href='https://wikidata.org/wiki/Track:Q131454'></a>
2. Людмила ГЛАДКАЯ — Автор публикаций (руск.). www.sb.by (4 кастрычніка 2023). Праверана 8 кастрычніка 2023.
3. Аўтарскія матэрыялы на сайце «Российской газеты»
4. “Мрази” ад «Советской Белоруссии». Якіх паслядоўнікаў выгадаваў калумніст А. Мукавозчык Архівавана 27 сакавіка 2022. — Arche, 19.11.2020
5. Газета Адміністрацыі прэзідэнта піша пра «стральбу з магутных рагатак»  (бел.). Наша Ніва. Праверана 8 кастрычніка 2023.
6. Не высказаться я не могла. Мне посыпались разные угрозы. Людмила Гладкая об акциях протеста в Беларуси Архівавана 5 кастрычніка 2021. [Не выказацца я не магла. Мне пасыпаліся розныя пагрозы. Людміла Гладкая пра акцыі пратэсту ў Беларусі] — СТБ, 22.11.2020
7. Одни собирались бросать дымовые шашки, другие «гуляли» с касками и камнями. В Минске — очередной марш [Адныя збіраліся кідаць дымавыя шашкі, іншыя «гулялі» з каскамі і камянямі] — СБ. Беларусь сегодня, 8.11.2020
8. Белорусы обратились в Генеральную прокуратуру с заявлением о необходимости запрета бчб-символики и причислении ее к экстремистской [Беларусы звярнуліся ў Генеральную пракуратуру з заявай аб неабходнасці забароны «бчб-сімволікі» і прылічэнні яе да экстрэмісцкай] — СБ. Беларусь сегодня, 29.01.2021
9. Как разжигалась вражда: в СК рассказали подробности по делу С. Тихановского [Як распальвалася варажнеча: у Следчым камітэце расказалі падрабязнасці па справе С. Ціхакоўскага] — СБ. Беларусь сегодня, 12.03.2021
10. «Отказать и оставить без рассмотрения»: Самое важное о первом дне суда над Бабарико (нявызн.)(недаступная спасылка). The Village Беларусь (17 лютага 2021). Праверана 8 кастрычніка 2023.
11. Regulations Amending the Special Economic Measures (Belarus) Regulations: SOR/2022-49 (англ.). Government of Canada (22 сакавіка 2022). Праверана 28 лютага 2023.
12. «У выніку пратэстаў я згубіла сяброў і сваякоў». Адкуль узялася прапагандыстка Людміла Гладкая (нявызн.)(недаступная спасылка). Беларуская асацыяцыя журналістаў (27 верасня 2022). Архівавана з першакрыніцы 28 лютага 2023. Праверана 28 лютага 2023.
13. Рыгор Азаронак і Людміла Гладкая выйгралі конкурс «Залаты зубр» — Наша Ніва, 21.12.2020
14. УКАЗ ПРЭЗІДЭНТА РЭСПУБЛІКІ БЕЛАРУСЬ 6 студзеня 2022 г. № 6 Аб прысуджэнні спецыяльнай прэміі Прэзідэнта Рэспублікі Беларусь (нявызн.)(недаступная спасылка). Архівавана з першакрыніцы 15 жніўня 2022. Праверана 3 кастрычніка 2022.