Людміла Міхайлаўна Мягкова

Людміла Міхайлаўна Мягко́ва^[1] (руск.: Людмила Михайловна Мягкова; 26 красавіка 1929 — 23 лютага 2022) — мастак дэкаратыўна-прыкладнога мастацтва (мастацкае шкло), Заслужаны дзеяч мастацтваў БССР (1977).

Людміла Міхайлаўна Мягкова
Дата нараджэння	26 красавіка 1929(1929-04-26)
Месца нараджэння	Ленінград, РСФСР, СССР
Дата смерці	23 лютага 2022(2022-02-23) (92 гады)
Месца смерці	Бярозаўка, Лідскі раён, Гродзенская вобласць, Беларусь
Грамадзянства	СССР  Беларусь
Род дзейнасці	мастачка
Месца працы	Шклозавод «Нёман»
Жанр	дэкаратыўна-прыкладное мастацтва і мастацкае шкло[d]
Вучоба	Ленінградскае вышэйшае мастацка-прамысловае вучылішча імя В. Мухінай
Член у	Саюз мастакоў СССР
Узнагароды	Ганаровая грамата Савета Міністраў СССР[d] (1988)
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Мягкова.

Біяграфія

Надмагіллі Людмілы Мягковай і Ўладзіміра Мурахвера на могілках у Бярозаўцы

Нарадзілася ў Ленінградзе. У 1959 годзе скончыла Ленінградскае вышэйшае мастацка-прамысловае вучылішча імя Мухінай па спецыяльнасці «Кафлярства і мастацкая апрацоўка шкла». Працавала на шклозаводзе «Нёман» у горадзе Бярозаўка (Лідскі раён Гродзенскай вобласці Беларусі).

Пахавана была 25.02.2022 у Бярозаўцы ^[2].

Творчасць

Аўтар прац у галіне мастацкага шкла, пераважна ў гутнай тэхніцы. Разам з мужам, Уладзімірам Мурахверам стварыла для масавай вытворчасці новыя ўзоры прасаваных вырабаў з каляровага шкла. У сваіх працах выкарыстоўвала традыцыйныя народныя формы посуду. Сярод прац Л. М. Мягковай вазы «Путанка», «Бярозавы гай», «Баранчыкі», наборы посуду «Залаты пеўнік», «Птушыны двор» і інш. Мастацкая спадчына Людмілы мягковай захоўваецца ў Нацыянальным мастацкім музеі Рэспублікі Беларусь, Гродзенскім дзяржаўным гісторыка-археалагічнам музеі, музеі шклозавода «Неман», музеях Омска, Царыцына, Кускова.

Узнагароды і званні

• Заслужаны дзеяч мастацтваў БССР (1977).
• Ганаровая грамата Вярхоўнага Савета БССР (1975)
• Сярэбраныя медалі ВДНГ СССР (1961, 1972, 1973, 1985)
• Залаты медаль ВДНГ СССР (1965)
• Бронзавыя медалі ВДНГ СССР (1965, 1971)
• Медаль «За працоўную адзнаку» (1981)
• Ганаровая грамата Савета Міністраў СССР (1988)
• Сярэбраны медаль Акадэміі мастацтваў СССР (1990)
• Ганаровы знак Саюза мастакоў (2001)

Зноскі

1. Беларусь 1995.
2. [[Ліда|Лідскі]] музей. Альбом «Людміла Мягкова»/ (нявызн.)(недаступная спасылка). Архівавана з першакрыніцы 22 кастрычніка 2022. Праверана 22 кастрычніка 2022.