Марчанскі сельсавет

Ма́рчанскі сельсавет — былая адміністрацыйна-тэрытарыяльная адзінка ў складзе Гарадоцкага раёна Віцебскай вобласці Беларусі. Адміністрацыйны цэнтр — вёска Марчанкі.

Марчанскі сельсавет
Краіна	Беларусь
Уваходзіць у	Гарадоцкі раён
Уключае	7 населеных пунктаў
Адміністрацыйны цэнтр	Марчанкі
Дата ўтварэння	16 ліпеня 1954
Дата скасавання	8 красавіка 2004
Насельніцтва	449 чал. (1999)
Код аўтам. нумароў	2

Утвораны 16 ліпеня 1954 года як Кудзінскі сельсавет у складзе Мехаўскага раёна Віцебскай вобласці БССР шляхам аб’яднання скасаваных Саладухінскага і Хвошненскага сельсаветаў^[1]. Цэнтр — вёска Кудзіна. З 18 сакавіка 1958 года ў складзе Езярышчанскага раёна. 16 верасня 1960 года ў склад новаўтворанага Гуркінскага сельсавета перададзены 6 населеных пунктаў (Валайкі, Есяновікі, Лапашкі, Лугавыя, Сіціна і Хвошна)^[2] З 25 снежня 1962 года ў Гарадоцкім раёне. На 1 студзеня 1974 года ў складзе сельсавета 8 населеных пунктаў^[3]. 12 снежня 1977 года цэнтр сельсавета перанесены ў вёску Марчанкі, сельсавет перайменаваны ў Марчанскі^[4]. У 1987 годзе скасавана вёска Воблыя^[5]. 8 красавіка 2004 года скасаваны, тэрыторыя далучана да Руднянскага сельсавета^[6].

На момант скасавання ў склад сельсавета ўваходзілі 7 вёсак: Вадзянікі, Горкі, Гукалы, Дубраўка, Кудзіны, Марчанкі і Саладухі.