Маціяс Гінтэр

Маціяс Лукас Гінтэр (ням.: Matthias Ginter; нар. 19 студзеня 1994, Марх, Германія) — нямецкі футбаліст, абаронца клуба «Фрайбург» і нацыянальнай зборнай Германіі. Чэмпіён свету 2014 года ў складзе нямецкай зборнай, пераможца Кубка канфедэрацый 2017.

Маціяс Гінтэр
Агульная інфармацыя
Нарадзіўся	19 студзеня 1994(1994-01-19)[1] (31 год) Фрайбург, адміністрацыйная акруга Фрайбург, Бадэн-Вюртэмберг, Германія
Грамадзянства	Германія
Рост	191 см
Вага	87 кг
Пазіцыя	цэнтральны абаронца, апорны паўабаронца
Інфармацыя пра клуб
Клуб	Фрайбург
Нумар	28
Маладзёжныя клубы
1998—2005 Марх 2005—2012 Фрайбург
Клубная кар’ера[* 1]
2012—2014 Фрайбург 70 (2) 2014—2017 Барусія (Дортмунд) 67 (3) 2015 →  Барусія II (Дортмунд) 2 (0) 2017—2022 Барусія (Мёнхенгладбах) 154 (11) 2022— Фрайбург
Нацыянальная зборная[* 2]
2011—2012 Германія (да 18) 6 (0) 2012—2013 Германія (да 19) 5 (1) 2013—2015 Германія (да 21) 14 (1) 2016 Германія (алімп.) 5 (2) 2014— Германія 46 (2)
Узнагароды і медалі
Алімпійскія гульні Срэбра Рыа-дэ-Жанейра 2016 футбол Чэмпіянаты свету Золата Бразілія 2014 Кубкі канфедэрацый Золата Расія 2017
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 8 ліпеня 2022. Колькасць гульняў і галоў за нацыянальную зборную ў афіцыйных матчах, адкарэктавана станам на 8 ліпеня 2022
Медыяфайлы на Вікісховішчы

Клубная кар’ера

21 студзеня 2012 года Гінтэр дэбютаваў у складзе «Фрайбурга» ў матчы супраць «Аўгсбурга», замяніўшы на 70 хвіліне Антона Пуціла, у дэбютнай жа гульне Гінтэр забіў свой першы гол на 88 хвіліне, які апынуўся пераможным для сваёй каманды^[2]. Гэты гол зрабіў яго самым маладым іграком у гісторыі клуба з Брайсгау, якія забілі гол у матчах Бундэслігі. Папярэдні рэкорд належаў Дэнісу Аога. 23 студзеня, праз два дня пасля дэбюту, Гінтэр падпісаў з «Фрайбургам» прафесійны кантракт^[3]. У сезоне 2012-2013 замацаваўся, як лідар «Фрайбурга», пасля гэтага сезона застаўся ў камандзе нягледзячы на інтарэс да іграка з боку «Баварыі». Правёў фантастычны сезон 2013/14, у якім стаў адным з лепшых абаронцаў Бундэслігі, і заслужыў запрашэнне ў нацыянальную зборную Германіі.

17 ліпеня 2014 года Гінтэр перайшоў у дортмундскую «Барусію», падпісаўшы кантракт да 2019 года^[4], па неафіцыйным дадзеным сума трансферу склала каля 10 млн еўра. Дэбютаваў у новым клубе 13 жніўня 2014 года ў матчы Суперкубка Германіі супраць «Баварыі» (2:0). Пазней здолеў замацавацца ў асноўнай камандзе дортмундцаў.

У ліпені 2017 года было абвешчана аб пераходзе Гінтэра ў мёнхенгладбахскую «Барусію»^[5]. У маі 2022 года «Фрайбург» абвясціў аб вяртанні Гінтэра з сезона 2022/23.

Дасягненні

«Фрайбург»:

• Уладальнік моладзевага Кубка Германіі: 2011

«Барусія» Дортмунд:

• Уладальнік Кубка Германіі: 2017
• Уладальнік Суперкубка Германіі: 2014

Германія:

• Чэмпіён свету: 2014
• Пераможца Кубка канфедэрацый: 2017

Прыватныя:

• Прыз Фрыца Вальтэра (да 18 гадоў): 2012^[6]
• Прыз Фрыца Вальтэра (да 19 гадоў): 2013