Музейна-мастацкі цэнтр Гомеля

Музейна-мастацкі цэнтр Гомеля (руск.: Музейно-художественный центр г. Гомеля) — установа у горадзе Гомелі Рэспублікі Беларусь.

Музейна-мастацкі цэнтр Гомеля
Заснаваны	1 студзеня 2025
Краіна	Беларусь
Месцазнаходжанне	Гомель
Адрас	246017, Беларусь, г. Гомель, вул. Карповіча, 4
vaschenko.by

Апісанне

Карцінная галерэя Г. Х. Вашчанкі.

Дзяржаўная ўстанова «Карцінная галерэя Г. Х. Вашчанкі» была адкрыта 5 лютага 2002 года ў Гомелі, зарэгістравана 4 лістапада 2003 года № 710^[1].

У 2011 годзе была скончана мадэрнізацыя памяшканняў новай выставачнай залы па праспекце Леніна, 43, плошчай 391 м². Зараз выставачная зала ўключае непасрэдна выставачныя плошчы і мастацкі салон.

Дзяржаўная ўстанова «Музейна-мастацкі цэнтр г. Гомеля» (руск.: Государственное учреждение «Музейно-художественный центр г. Гомеля») утвораны 1 студзеня 2025 года шляхам рэарганізацыі філіяла «Карцінная галерэя Г. Х. Вашчанкі».^[1] Зарэгістраваны 3 студзеня 2025 года.

Музей гісторыі горада Гомеля.

Музейна-мастацкі цэнтр г. Гомеля ажыццяўляе дзейнасць у сферы музейнай справы, выяўленчага мастацтва, гісторыка-культурнай спадчыны, культуры і арганізацыі вольнага часу.^[2] Профіль — комплексны.

Структура

• Філіял «Карцінная галерэя Г. Х. Вашчанкі» — (г. Гомель, вул. Карповіча, 4)^[3].
  • Выставачная зала і мастацкі салон філіяла «Карцінная галерэя Г. Х. Вашчанкі» — (г. Гомель, пр-т Леніна, 43).
• Філіял «Музей гісторыі горада Гомеля» — (г. Гомель, вул. Пушкіна, 32)^[4].
• Экспазіцыйны аб'ект «Музей гісторыі друку і фатаграфіі Гомельшчыны» філіяла «Музей гісторыі горада Гомеля» — (г. Гомель, вул. Камунараў, 7)^[5].

Дзейнасць

Асноўнымі мэтамі дзейнасці цэнтра з'яўляюцца:^[2]

• рэалізацыя дзяржаўнай палітыкі, вызначанай заканадаўствам Рэспублікі Беларусь, у галіне музейнай справы, аховы гісторыка-культурнай спадчыны і выяўленчага мастацтва.
• збор, вывучэнне, экспанаванне, папулярызацыя і захаванне гістарычных і мастацкіх каштоўнасцяў.
• развіццё мастацкай творчасці, адраджэнне, захаванне і развіццё традыцыйных формаў адпачынку, іншых нацыянальных культурных традыцый.
• захаванне і паланенне калекцый, падораных гораду народным мастаком Беларусі Г. Х. Вашчанка і яго жонкай М. А. Вашчанка.
• захаванне і паланенне калекцый, якія знаходзяцца ў фондах філіяла «Музей горада Гомеля».
• камплектаванне, ўлік і захаванне калекцый, забеспячэнне іх цэласнасці.
• падрыхтоўка і выданне сумесна з аддзелам культуры Гомельскага гарадскога выканаўчага камітэта і іншымі арганізацыямі каталога калекцый установы, іншай друкаванай прадукцыі інфармацыйнага, сувенірнага і рэкламнага характару.
• выставы і выставы-продажы работ мастакоў, майстроў, рамеснікаў, сувенірнай і друкаванай прадукцыі.
• захаванне, развіццё і прымнажэнне дасягненняў нацыянальнай культуры.