Мікалай Патапавіч Кукраш

Мікалай Патапавіч Ку́краш (нар. 15 мая 1928, в. Закальное, Любанскі раён, Мінская вобласць) — беларускі вучоны ў галіне сельскай гаспадаркі. Доктар сельскагаспадарчых навук (1987). Муж Лідзіі Міхайлаўны Кукраш.

Мікалай Патапавіч Кукраш
Дата нараджэння	15 мая 1928(1928-05-15) (97 гадоў)
Месца нараджэння	Закальное, Рачэнскі сельсавет, Любанскі раён, Бабруйская акруга, Беларуская ССР, СССР
Жонка	Лідзія Міхайлаўна Кукраш
Род дзейнасці	навуковец
Навуковая сфера	сельская гаспадарка
Месца працы	Беларускі навукова-даследчы інстытут земляробства і кармоў
Альма-матар	Беларуская дзяржаўная сельскагаспадарчая акадэмія (1958)

У Вікіпедыі ёсць артыкулы пра іншых людзей з прозвішчам Кукраш.

Біяграфія

Нарадзіўся ў шматдзетнай сям’е. У 1947 годзе быў прызваны ў Савецкую Армію. Скончыў у 1958 годзе БСГА. У 1958—1994 гадах працаваў у Беларускім НДІ земляробства і кармоў, дзе спачатку быў малодшым, у 1960 годзе стаў старшым, а ў 1988 годзе — вядучым навуковым супрацоўнікам. У 1965 годзе абараніў кандыдацкую дысертацыю^[1]. Паспяхова абараніў доктарскую дысертацыю на тэму «Пути повышения эффективности удобрений в условиях интенсивной химизации дерново-подзолистых суглинистых почв»^[2]. Разам з супрацоўнікамі у 1990 годзе падрыхтаваў аграпашпарт гатунку «Дар Белоруссии». Член Саветаў па абароне доктарскіх і кандыдацкіх дысертацый у Беларускім НДІ земляробства і кармоў і БСГА^[3]. Навуковыя працы вучонага прысвечаны павышэнню ўрадлівасці глебы, тэхналогіі вырошчвання збожжавых культур.

Творы

• Опыт использования многолетнего люпина на удобрение. — Минск, 1961. — 15 с.;
• Учебное пособие по пропашным культурам. — Минск, 1969. — 48 с.;
• Научные основы применения удобрений в Западном регионе СССР. — Мн., 1981 (у сааўт.);
• Применение удобрений в интенсивном земледелии: (справочное пособие). — Мн., 1989 (у сааўт.).

Зноскі

1. Применение удобрений и извести под зернобобовые культуры (пелюшку, кормовые бобы и желтый кормовой люпин) на дерново-подзолистых суглинистых почвах северной части БССР : автореферат дис. ... кандидата сельскохозяйственных наук. — Минск, 1965. — 26 с.
2. Пути повышения эффективности удобрений в условиях интенсивной химизации дерново-подзолистых суглинистых почв : диссертация ... доктора сельскохозяйственных наук : 06.01.04. — Жодино, 1986. — 454 с.
3. Известному ученому в области агрохимии, растениеводства и земледелия Николаю Кукрешу исполнилось 90! Архівавана 20 мая 2018. // Жодзінскія навіны. — 16 мая 2018. — № 20 (2730). — С. 6.