Міраслаў Клозэ

Міраслаў Іозеф Клозэ (ням.: Miroslav Josef Klose, імя пры нараджэнні — Міраслаў Марыян Клозэ, польск.: Mirosław Marian Klose; нар. 9 чэрвеня 1978, Аполе, Польшча) — нямецкі футбаліст (нападнік) і трэнер. Выступаў за нацыянальную зборную Германіі. Чэмпіён свету 2014, срэбны прызёр чэмпіянату свету 2002 і Еўра-2008. Уладальнік бронзы сусветных чэмпіянатаў 2006 і 2010 гадоў, чэмпіянату Еўропы 2012. Займае першае месца сярод бамбардзіраў у гісторыі чэмпіянатаў свету — 16 мячоў. Адзіны футбаліст, які забіў на сусветных чэмпіянатах, якія праходзілі адзін за адным, па 5 мячоў, а таксама які вызначыўся не менш 4 раз на 3 з іх.

Міраслаў Клозэ
Агульная інфармацыя
Поўнае імя	Міраслаў Іозеф Клозэ
Мянушка	Міра
Нарадзіўся	9 чэрвеня 1978(1978-06-09)[1][2][…] (47 гадоў) Аполе, Апольскае ваяводства, Польская Народная Рэспубліка[3][4][…]
Грамадзянства	Германія
Рост	184 см
Вага	84 кг
Пазіцыя	нападнік
Маладзёжныя клубы
1987—1998 Блаўбах-Дыдэлькопф
Клубная кар’ера[* 1]
1998—1999 Хомбург 18 (1) 1998—1999 →  Хомбург II 15 (10) 1999—2004 Кайзерслаўтэрн 120 (44) 1999—2001 →  Кайзерслаўтэрн II 50 (26) 2004—2007 Вердэр 89 (53) 2007—2011 Баварыя (Мюнхен) 104 (28) 2011—2016 Лацыа 139 (55)
Нацыянальная зборная[* 2]
2001—2014 Германія 137 (71)
Трэнерская кар’ера
2016—2018 Германія трэнер 2018—2020 Баварыя (Мюнхен) U-17 2020—2021 Баварыя (Мюнхен) трэнер 2022—2023 Альтах
Узнагароды і медалі
Чэмпіянаты свету Срэбра Карэя/Японія 2002 Бронза Германія 2006 Бронза ПАР 2010 Золата Бразілія 2014 Чэмпіянаты Еўропы Срэбра Аўстрыя/Швейцарыя 2008 Бронза Польшча/Украіна 2012
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 21 сакавіка 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 8 ліпеня 2014
Медыяфайлы на Вікісховішчы

Клубная кар’ера

Раннія гады

Кар’еру пачаў у клубе пятага дывізіёна «Хомбург» і ў свой першы сезон забіў адзінаццаць гадоў, чым зацікавіў скаўтаў «Кайзерслаўтэрна». Спачатку Клозэ гуляў у другой камандзе клуба, але потым галоўны трэнер клуба Ота Рэхагель заўважыў маладога нападніка і неўзабаве стаў прыцягваць яго да гульняў асноўнага складу. 15 красавіка 2000 года Міраслаў дэбютаваў у складзе клуба, выйшаўшы на поле на 75 хвіліне хатняга матча супраць «Айнтрахта», які скончыўся перамогай з лікам 1:0^[5].

«Вердэр»

У футболцы брэменскага «Вердэра»

2 сакавіка 2004 года Міраслаў падпісаў чатырохгадовы кантракт з чэмпіёнам Германіі клубам «Вердэр»^[6][7], які праяўляў цікавасць да іграка на працягу ўсяго сезона з-за неабходнасці знайсці замену Аілтану, які сышоў у «Шальке-04»^[8]. Кошт трансфера склаў 5 млн еўра, заробак іграка — 2,5 млн еўра ў год^[6]. Дэбют Міраслава ў новым клубе адбыўся 6 жніўня ў матчы супраць «Шальке-04», які скончыўся перамогай з лікам 1:0^[9].

«Баварыя»

26 чэрвеня 2007 года прэзідэнт мюнхенскай «Баварыі» Карл-Хайнц Руменігэ абвясціў аб дасягненні дамоўленасці з «Вердэрам» па пераходзе Клозэ. Міраслаў падпісаў з клубам чатырохгадовы кантракт, абыйдучыся «Баварыі» ў 15 мільёнаў еўра. У барацьбе за нападніка мюнхенскі клуб апярэдзіў такіх еўрапейскіх грандаў, як іспанская «Барселона» і італьянскі «Ювентус».

«Лацыа»

Улетку 2011 года ў Клозэ скончыўся кантракт з «Баварыяй». Нападнік і клуб не здолелі дамовіцца па ўмовах новага кантракта, і ў чэрвені 2011 года ігрок пакінуў клуб. Міраслаў падпісаў двухгадовы кантракт з рымскім клубам «Лацыа»^[10]. Пакінуў «Лацыа» ўлетку 2016 года.

1 лістапада 2016 года стала вядома, што Клозэ завяршае кар’еру футбаліста і далучаецца да штабу нацыянальнай зборнай Германіі^[11].

Міжнародная кар’ера

З узлётам кар’еры ігрок прыцягнуў увагу прадстаўнікоў адразу двух нацыянальных зборных. У пачатку 2001 года Клозэ атрымаў запрашэнне выступаць за нацыянальную зборную Польшчы^[12]: яе галоўны трэнер Ежы Энгель прыехаў у Германію адмыслова для таго, каб угаварыць маладога нападніка абараняць колеры яго каманды. Аднак Клозэ наадрэз адмовіўся, заявіўшы аб намеры чакаць выкліку ад Рудзі Фёлера. Запрашэнне ў склад нямецкай зборнай не прымусіла сябе чакаць: дэбют Клозэ ў яе складзе адбыўся ўжо 24 мая 2001 года ў Леверкузене ў матчы адборачнага турніру чэмпіянату свету супраць зборнай Албаніі. Выйшаўшы на замену, форвард прынёс сваёй камандзе перамогу, забіўшы галавой за дзве хвіліны да канца гульні (2:1).

Трэнерская кар’ера

З лістапада 2016 года працаваў у трэнерскім штабе нацыянальную зборнай Германіі ў якасці памочніка Ёахіма Лёва. У маі 2018 года ўзначаліў юнацкую каманду мюнхенскай «Баварыі» да 17 гадоў. У маі 2020 года падпісаў аднагадовы кантракт у якасці трэнера асноўнай каманды мюнхенскага клуба, дзе стаў памочнікам Ганса-Дзітэра Фліка. Пакінуў трэнерскі штаб разам з Флікам у маі 2021 года.

У чэрвені 2022 года было абвешчана, што Клозэ ўзначаліць аўстрыйскі клуб «Альтах»^[13]. Пакінуў пасаду ў сакавіку 2023 года^[14].

Дасягненні

Клубныя

Вердэр

• Уладальнік Кубка Нямецкай лігі: 2006

Баварыя

• Чэмпіён Германіі (2): 2008, 2010
• Уладальнік Кубка Германіі (2): 2008, 2010
• Уладальнік Кубка Нямецкай лігі: 2007
• Уладальнік Суперкубка Германіі: 2010

Міжнародныя

Германія

• Чэмпіён свету: 2014
• Срэбраны прызёр чэмпіянату свету: 2002
• Бронзавы прызёр чэмпіянату свету (2): 2006, 2010
• Срэбраны прызёр чэмпіянату Еўропы: 2008
• Бронзавы прызёр чэмпіянату Еўропы: 2012