Наталля Андрэеўна Зайцава

Наталля Андрэеўна Зайцава (нар. 13 снежня 1954, Ліда Гродзенскай вобласці) — беларускі настаўнік і палітык. Заслужаны настаўнік Рэспублікі Беларусь.

Наталля Андрэеўна Зайцава
Нараджэнне	13 снежня 1954(1954-12-13) (70 гадоў) Ліда, Лідскі раён, Гродзенская вобласць, Беларуская ССР, СССР
Адукацыя	Смаленскі дзяржаўны ўніверсітэт
Узнагароды	ганаровая грамата Нацыянальнага сходу Рэспублікі Беларусь Ганаровая грамата Парламенцкага Сходу Саюза Беларусі і Расіі[d] Выдатнік адукацыі БССР[d]

У Вікіпедыі ёсць артыкулы пра іншых людзей з прозвішчам Зайцава.

Біяграфія

Скончыла Смаленскі дзяржаўны педагагічны інстытут імя К. Маркса, настаўнік англійскай мовы.

Працавала старшай піянерважатай сярэдняй школы № 11 г. Ліды, сакратаром камітэта камсамола Лідскага індустрыяльнага тэхнікума, арганізатарам пазакласнай і пазашкольнай работы, намеснікам дырэктара па вучэбна-выхаваўчай рабоце, дырэктарам сярэдняй школы № 7, дырэктарам сярэдняй школы — гімназіі № 7. Дырэктарка гімназія № 1 горада Ліды (1997—2018).

Выбіралася членам Савета Рэспублікі Нацыянальнага сходу Рэспублікі Беларусь 3-га склікання^[1]. Была членам Камісіі Парламенцкага Сходу Саюза Беларусі і Расіі па інфармацыйнай палітыцы і ўзаемадзеянню з грамадскімі аб’яднаннямі.

У красавіку 2024 года была выбрана дэлегаткай на Усебеларускі народны сход 7-га склікання ад Беларускага грамадскага аб’яднання ветэранаў^[2].

Узнагароды

Занесена ў Кнігу славы Гродзенскай вобласці. Прызнана лепшым кіраўніком у сферы адукацыі Гродзенскай вобласці за 2006 год. Мае Падзяку Прэзідэнта Рэспублікі Беларусь. Узнагароджана Ганаровай граматай Нацыянальнага сходу Рэспублікі Беларусь, Ганаровай граматай Парламенцкага Сходу Саюза Беларусі і Расіі, знакам «Выдатнік адукацыі БССР»^[3].

Ганаровы грамадзянін Лідскага раёна^[4].