Нацыянальны археалагічны інстытут і музей (Сафія)

Нацыянальны археалагічны інстытут і музей (балг.: Националният археологическият институт с музей, НАИМ) — навукова-даследчы інстытут у Сафіі, уваходзіць у структуру Балгарскай акадэміі навук. Заснаваны ў 1948 годзе ў выніку зліцця дзвюх арганізацый — Археалагічнага інстытута і Археалагічнага музея. Музей існуе з 1892 года і з'яўляецца найстарэйшым археалагічным музеем краіны.

Ля ўваходу ў музей

Нацыянальны археалагічны інстытут і музей (Национален археологически институт с музей)
Будынак музея ў Сафіі
Заснаваны	1892
Адкрыты	18 мая 1905
Падпарадкаванасць	100 Tourist Sites of Bulgaria[d][1] і Балгарская акадэмія навук[2]
Краіна	Балгарыя
Месцазнаходжанне	Сафія
Адрас	площад „Атанас Буров” № 1, град София
Дырэктар	д-р Людміл Вагалінскі
naim.bg (балг.)​ (англ.)
Медыяфайлы на Вікісховішчы

Музей НАІМ размешчаны ў памяшканні былой Вялікай мячэці (Буюк-джамія, завершана ў 1474 годзе, да моманту аднаўлення балгарскай дзяржаўнасці будынак быў закінуты) на вуліцы Саборнай.

Інстытут займаецца археалагічнымі даследаваннямі на тэрыторыі Балгарыі. У ім працуе 67 навукоўцаў (станам на 2012 год). Музей мае адну з найбагацейшых калекцый на Балканах, уключаючы сусветна знакамітыя скарбы фракійскай эпохі з Панагюрыштэ і Вылчытран.

Навуковыя падраздзяленні НАІМ

• Аддзел старажытнай гісторыі
• Аддзел фракійскай археалогіі
• Аддзел антычнай археалогіі
• Аддзел сярэдневяковай археалогіі
• Аддзел нумізматыкі і эпіграфікі
• Праблемная група па міждысцыплінарных даследаваннях
• Філіял у Шумене
• Філіял у Вяліка-Тырнаве
• Археалагічны музей
  • Аддзел экспазіцыі
  • Аддзел фондаў

Літаратура

• С.Георгиева, В. Велков, Библиография на българската археология (1879-1966), С. 1974.
• Васил Николов /ред./, Национален Археологически музей. 100 години от откриването на първата експозиция, 18.05.1905 - 18.05.2005. София 2005.