Ольштынска-Гданьская епархія

Ольштынска-Гданьская епархія — адміністрацыйна-тэрытарыяльная адзінка (епархія) Каталіцкага Касцёла, якая аб'ядноўвае каталікоў візантыйскага абраду, прыхаджан Украінскай Грэка-Каталіцкай Царквы, ў паўночна-ўсходняй Польшчы.

Ольштынска-Гданьская епархія
Галоўны горад	Ольштын
Краіна	Польшча
Дата заснавання	25 лістапада 2020
Мітраполія	Пшэмыска-Варшаўская мітраполія[d]
Іерарх	Аркадзій Траханоўскі[d]
Афіцыйны сайт	cerkiew.eu
Карта
Медыяфайлы на Вікісховішчы

Гісторыя

25 лістапада 2020 года было афіцыйна паведамлена, што Папа Францішак зацвердзіў пастанову Сінода біскупаў Украінскай Грэка-Каталіцкай Царквы і абвясціў аб стварэнні новай структуры — Ольштынска-Гданьскай епархіі ў Польшчы. Цэнтрам новай епархіі стаў горад Ольштын, а кафедрай — царква Пакрова Святой Багародзіцы.

Епархія ўтворана на частцы тэрыторыі Пшэмыска-Варшаўскай архіепархіі і ранейшай Уроцлаўска-Гданьскай епархіі. Пры гэтым назва апошняй была зменена на Уроцлаўска-Кашалінскую епархію.

Апостальскім адміністратарам новай епархіі стаў Мітрапаліт Перамышльска-Варшаўскі архібіскуп Яўген Паповіч^[1].

6 лютага 2023 года Ольштынска-Гданьская епархія, як уся Перамышльска-Варшаўская мітраполія, улічваючы папярэдняе рашэнне УГКЦ ва Украіне і меркаванне дэлегатаў Аб’яднанага епархіяльнага сабору ў Паршэвіцку ў чэрвені 2022 года, вырашыла перайсці на новаюліянскі каляндар з 1 верасня 2023 года.^[2][3][4]

Спасылкі

• На Вікісховішчы ёсць медыяфайлы па тэме Ольштынска-Гданьская епархія

Зноскі

1. У Польшчы створана новая епархія Грэка-Каталіцкай Царквы
2. УГКЦ у Польщі також переходить на новий календар (укр.). Українська Греко-Католицька Церква. Праверана 22 сакавіка 2023.
3. Декрет про зміну літургійного календаря УГКЦ в Польщі(нявызн.) (6 лютага 2023). Праверана 22 сакавіка 2023.
4. Реформа церковного календаря(нявызн.) (8 лютага 2023). Праверана 22 сакавіка 2023.