Паўночна-Дакоцкі ўніверсітэт

Паўночна-Дакоцкі ўніверсітэт (англ.: University of North Dakota) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Гранд-Форкс у штаце Паўночная Дакота, ЗША.

Паўночна-Дакоцкі ўніверсітэт
англ.: University of North Dakota
Арыгінальная назва	англ.: University of North Dakota
Заснаваны	1883
Студэнты	13 615[1] і 8 795[2]
Краіна	ЗША[3]
Размяшчэнне	Гранд-Форкс, Паўночная Дакота, ЗША
Сайт	und.edu
Медыяфайлы на Вікісховішчы

Агульная характарыстыка

Ён быў заснаваны сходам тэрыторыі Дакота ў 1883 годзе, за шэсць гадоў да ўтварэння штата Паўночная Дакота. Ва ўніверсітэце ёсць адзіныя ў штаце школы права і медыцыны. Школа аэракасмічных навук была першай у ЗША, якая прапанавала вышэйшую адукацыю ў галіне кіравання беспілотнымі лятальнымі сістэмамі. Некалькі нацыянальных навукова-даследчых інстытутаў знаходзяцца на тэрыторыі кампуса універсітэта, уключаючы Даследчы цэнтр энергетыкі і навакольнага асяроддзя, Школу медыцыны і навук пра здароўе і Даследчы цэнтр харчавання чалавека Міністэрства сельскай гаспадаркі ЗША.

Структура

• Школа аэракасмічных навук
• Каледж мастацтваў і навук
• Каледж бізнесу і дзяржаўнага кіравання
• Каледж адукацыі і развіцця чалавека
• Каледж інжынерыі і горнай прамысловасці
• Школа права
• Школа медыцыны і навук пра здароўе
• Каледж медсястрынства і прафесійных дысцыплін
• Школа аспірантуры

Гл. таксама

• Спіс універсітэтаў штата Паўночная Дакота