Пераносіны

Перано́сіны^[1] (трансліт.: Pieranosiny, руск.: Переносины) — вёска ў Баранавіцкім раёне Брэсцкай вобласці. Уваходзіць у склад Жамчужненскага сельсавета. Размешчаны за 23 км на захад ад Баранавічаў, за 7 км ад чыгуначнай станцыі Палонка на лініі Баранавічы — Ваўкавыск.

Вёска Пераносіны Краіна Беларусь Вобласць Брэсцкая Раён Баранавіцкі Сельсавет Жамчужненскі Каардынаты 53°10′12″ пн. ш. 25°43′38″ у. д.HGЯO Першая згадка 1798 Ранейшыя назвы Зарэчча Колькасць двароў 70 Насельніцтва 85 чалавек (1998) Часавы пояс UTC+3 Тэлефонны код +375 163 Паштовыя індэксы 225316 Аўтамабільны код 1 СААТА 1204815056 Пераносіны Пераносіны

Гісторыя

Даўнейшая назва паселішча Зарэчча, пад гэтай назвай яно ўпамінаецца ў 1788 годзе.

У 1897 годзе вёска ў Навамышскай воласці Навагрудскага павета Мінскай губерні.

З 1921 года ў складзе Польскай Рэспублікі, у Навамышскай гміне Баранавіцкага павета Навагрудскага ваяводства.

З 1939 года ў складзе БССР. З 15 студзеня 1940 года ў Навамышскім раёне Баранавіцкай, з 8 студзеня 1954 года Брэсцкай абласцей, з 8 красавіка 1957 года ў Баранавіцкім раёне.

У Вялікую Айчынную вайну з канца чэрвеня 1941 года да ліпеня 1944 года вёска акупіравана нямецка-фашысцкімі захопнікамі. На франтах вайны загінула 20 вяскоўцаў.

Да 22 сакавіка 1962 года вёска ўваходзіла ў склад Палонкаўскага сельсавета^[2], да 18 сакавіка 1985 года — у склад Перхавіцкага сельсавета^[3].

Насельніцтва

• 20 двароў, 128 жыхароў (1897)
• 28 двароў, 226 жыхароў (1909)
• 20 двароў, 99 жыхароў (1921)
• 142 жыхары (1939)
• 336 жыхароў (1959)
• 269 жыхароў (1970)
• 70 двароў, 85 жыхароў (1998)
• 46 гаспадарак, 77 жыхароў (2005)

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. Рашэнні выканкома Брэсцкага абласнога Савета дэпутатаў працоўных ад 15 студзеня і 22 сакавіка 1962 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1962, № 19 (978).
3. Решение исполнительного комитета Брестского областного Совета народных депутатов от 18 марта 1985 г. № 177 Об изменении в административно-территориальном делении Барановичского района