Помнік Івану Шамякіну (Добруш)

Помнік Івану Шамякіну — помнік у Добрушы, размешчаны на плошчы Леніна, у пачатку бульвара па праспекце Міру. Прысвечаны Народнаму пісьменніку Беларусі Івану Шамякіну, ураджэнцу Добрушчыны.

Помнік
Помнік Івану Шамякіну
52°25′18″ пн. ш. 31°18′56″ у. д.HGЯO
Краіна	Беларусь
Месцазнаходжанне	Добруш
Скульптар	Уладзімір Піпін і Канстанцін Аляксандравіч Касцючэнка
Дата заснавання	25 жніўня 2022
Матэрыял	граніт і бронза

Рашэнне аб адкрыцці помніка было прынята ў 2021 годзе, калі адзначалася 100-годдзе з дня нараджэння пісьменніка. У аб’яўленым конкурсе на найлепшы праект помніку беларускаму пісьменніку прынялі ўдзел сем работ скульптараў і творчых калектываў. У склад журы ўвайшлі прадстаўнікі раённай улады, абласнога выканаўчага камітэта, работнікі «Інстытута Гомельграмадзянпраект» і Міністэрства культуры Беларусі. Пераможцам прызналі работу аўтарскага калектыву ў складзе скульптараў Уладзіміра Піпіна і Канстанціна Касцючэнкі^[1].

Дзеля ўстаноўкі помніка быў дэмантаваны і перанесены на іншы бок плошчы помнік Леніну, пастаўлены ў 1966 годзе^[2].

Помнік устаноўлены 25 жніўня 2022 года і быў урачыста адкрыты ў Дзень беларускага пісьменства 3 верасня^[1].

Зноскі

1. Помнік Івану Шамякіну ўстанавілі ў Добрушы 25.08.2022 (нявызн.)(недаступная спасылка). Архівавана з першакрыніцы 26 жніўня 2022. Праверана 26 жніўня 2022.
2. «Мяккі ленінапад»: у рамках падрыхтоўкі да Дня беларускага пісьменства ў Добрушы прыбяруць помнік Леніну // Тэлеграм-канал «Спадчына»