Дзень беларускага пісьменства

Дзень беларускага пісьменства, першапачаткова назва Дзень беларускага пісьменства і друку — дзяржаўнае свята ў Рэспубліцы Беларусь, якое адзначаецца з 1994 года ў першую нядзелю верасня. Штогод свята ладзіцца ў новых гарадах з багатай гістарычнай спадчынай, даўніх цэнтрах асветы, культуры і кнігадрукавання^[1].

Дзень беларускага пісьменства
Свята ў Заслаўі ў 2014 г.
Афіцыйна	Беларусь
Адзначаецца	першая нядзеля верасня

Гісторыя

Задума свята з’явілася ў Міністэрстве культуры і друку Беларусі пасля святкавання 500-годдзя з дня нараджэння Францыска Скарыны. Пасля ўзгаднення з Саветам міністраў і Вярхоўным Саветам Рэспублікі Беларусь 25 мая 1994 з’явілася пастанова аб заснаванні свята Дня беларускага пісьменства^[2].

Першапачаткова дата святкавання была прымеркавана да дня выдання першай друкаванай беларускай кнігі — 6 жніўня 1517 года^[2]. З 1998 года дата святкавання ўстаноўленая ў першую нядзелю верасня^[1].

Месцы правядзення святаў

Свята ў Хойніках, 2010 год

Дзень беларускага пісьменства адзначаўся ў наступных гарадах і гарадскіх пасёлках:

• 1994 — Полацк (6 жніўня)
• 1995 — Тураў (6 жніўня)
• 1996 — Навагрудак (6 жніўня)
• 1997 — Нясвіж (6 жніўня)
• 1998 — Орша (6 верасня)
• 1999 — Пінск (5 верасня)
• 2000 — Заслаўе (3 верасня)
• 2001 — Мсціслаў (2 верасня)
• 2002 — Мір (1 верасня)
• 2003 — Полацк (у другі раз; 7 верасня)
• 2004 — Тураў (у другі раз; 5 верасня)
• 2005 — Камянец (4 верасня)
• 2006 — Паставы (3 верасня)
• 2007 — Шклоў (2 верасня)
• 2008 — Барысаў (7 веарсня)
• 2009 — Смаргонь (6 верасня)
• 2010 — Хойнікі (5 верасня)^[3]
• 2011 — Ганцавічы (4 верасня)
• 2012 — Глыбокае (2 верасня)
• 2013 — Быхаў (1 верасня)
• 2014 — Заслаўе (у другі раз; 7 верасня)
• 2015 — Шчучын (6 верасня)
• 2016 — Рагачоў (4 верасня)
• 2017 — Полацк (у трэці раз; 3 верасня)
• 2018 — Іванава (2 верасня)
• 2019 — Слонім (1 верасня)
• 2020 — Бялынічы (6 верасня)
• 2021 — Капыль (5 верасня)
• 2022 — Добруш (3-4 верасня)^[4]
• 2023 — Гарадок (2-3 верасня)^[5]
• 2024 — Івацэвічы (31 жніўня — 1 верасеня)^[6]
• 2025 — Ліда

У філатэліі

• 
• 
• 

Гл. таксама

• Дажынкі

Зноскі

1. Інфармацыя аб святкаванні Дня беларускага пісьменства (нявызн.)(недаступная спасылка). Міністэрства інфармацыі Рэспублікі Беларусь (18 снежня 2012). Архівавана з першакрыніцы 26 студзеня 2012. Праверана 11 снежня 2012.
2. У беларускага слова — свята (нявызн.)(недаступная спасылка). Віцебскі дзяржаўны прафесійны ліцэй №5 прыборабудавання (18 снежня 2012). Архівавана з першакрыніцы 14 жніўня 2017. Праверана 18 снежня 2012.
3. Столица праздника - Хойники (нявызн.).
4. XXIX День белорусской письменности в Добруше (нявызн.).
5. Праграма Дня беларускага пісьменства (нявызн.).(недаступная спасылка)
6. Дзень беларускага пісьменства прымаюць Івацэвічы (нявызн.).