Пётр Аляксеевіч Кірычэнка

Пётр Аляксеевіч Кірычэнка (нар. 1959, Горліўка, Сталінская вобласць) — беларускі дзяржаўны дзеяч, старшыня Гомельскага гарадскога выканаўчага камітэта (2012—2022).

Пётр Аляксеевіч Кірычэнка
Старшыня Гомельскага гарвыканкама 19 лістапада 2012 (в. а. з 16 лістапада 2012) — 12 снежня 2022
Папярэднік	Віктар Піліпец
Пераемнік	Уладзімір Прывалаў
Нараджэнне	1959 Горліўка, Горліўскі гарадскі савет[d], Данецкая вобласць, УССР, СССР
Адукацыя	Данецкі нацыянальны тэхнічны ўніверсітэт (1982) Інстытут паліталогіі і сацыяльнага кіравання КПБ (1991)
Узнагароды

У Вікіпедыі ёсць артыкулы пра іншых людзей з прозвішчам Кірычэнка.

Біяграфія

У 1982 годзе скончыў Данецкі політэхнічны інстытут (інжынер-будаўнік), у 1991  — Інстытут паліталогіі і сацыяльнага кіравання Кампартыі Беларусі (палітолаг). Выкладчык сацыяльна-палітычных дысцыплін у вышэйшых і сярэдніх навучальных установах. Праходзіў службу ў шэрагах Савецкай Арміі, працаваў у розных вытворчых арганізацыях і ў органах камуністычнай партыі^[1]. З 2005 года па 19 лістапада 2012 года — намеснік старшыні Гомельскага аблвыканкама. У распараджэнні Пятра Кірычэнкі былі пытанні ідэалагічнай працы, аховы здароўя, адукацыі, культуры, фізічнай культуры, спорту і турызму, сродкаў масавай інфармацыі, кінавідэапракату, маладзёжнай палітыкі, рэлігійных канфесій і нацыянальнасцяў, аздараўленні насельніцтва, сацыяльнай абароны, у тым ліку сацыяльныя пытанні па ліквідацыі наступстваў катастрофы на Чарнобыльскай АЭС, гуманітарнай дапамогі, арганізацыйнага забеспячэння выбараў, рэферэндумаў і іншых важных грамадска-палітычных кампаній і мерапрыемстваў, якія праводзяцца ў вобласці, сувязяў з грамадскімі арганізацыямі, палітычнымі партыямі^[2].

16 лістапада 2012 года Прэзідэнт Беларусі Аляксандр Лукашэнка прызначыў Пятра Кірычэнку старшынёй Гомельскага гарвыканкама.

У 2022 годзе Кірычэнка трапіў пад санкцыі Канады^[3].

У красавіку 2024 года быў выбраны дэлегатам на Усебеларускі народны сход 7-га склікання ад Беларускага грамадскага аб’яднання ветэранаў^[4].

Узнагароды

• Ордэн святой праведнай Сафіі, княгіні Слуцкай (7 студзеня 2014)^[5].
• Медаль «За працоўныя заслугі» (27 чэрвеня 2016)^[6].